Скачать или смотреть 1159- Ufafanuzi Wa Mwanamke Kulipa Swawm Zilizompita Katika Mwezi Wa Ramadhaan

1159- Ufafanuzi Wa Mwanamke Kulipa Swawm Zilizompita Katika Mwezi Wa Ramadhaan

Swali:

Akila mwanamke siku katika Ramadhaan kwa udhuru wa Kishari´ah. Je anaweza kuijaalia swawm yake katika siku ya ´Araafah au sita Shawwaal au ni mpaka alipe?

Mtume (swalla Allaahu ´alayhi wa sallam) anasema:

"Atakayefunga Ramadhaan kisha akafuatiliza na siku sita za Shawwaal itakuwa kama ni kafunga mwaka mzima."

Akibakiwa mwanamke na siku katika Ramadhaan, akiweza kufunga siku hizi na kufunga sita, hilo ni jambo zuri. Kwa kuwa haikushurutishwa ikawa sita baada ya [siku ya] ´Iyd moja kwa moja. Kutokana na Hadiyth kama mlivyosikia:

"Atakayefunga Ramadhan kisha akafuatiliza na siku sita za Shawwaal itakuwa kama ni kafunga mwaka mzima."

Yaani si lazima iwe mwanzo wa Shawwaal. Inajuzu ikawa mwanzo wa mwezi, ikawa kati au mwisho; inajuzu kufunga kwa kufululiza na inajuzu kufunga kwa kuachanisha hizi siku sita. Ama deni wakati wake ni mpana. Anasema ´Aaishah (radhiyallaahu ´anha):

"Nilikuwa silipi ila katika Sha´abaan."

Yaani siku ambazo zilikuwa juu yake hakuweza kuzilipa ila katika Sha´abaan. Wakati wake ni mpana na hakuna ubaya ikiwa hatoweza kufunga siku hizi sita katika Shawwaal. Anapaswa kuanza na sita Shawwaal ambayo wakati wake umepangwa, ama deni wakati wake ni mpana kama mlivyosikia.

Chanzo: http://muqbil.net/fatwa.php?fatwa_id=...