李玟離世｜天后告別凡塵火化變輕煙 丈夫被追罵堅稱深愛一輩子

李玟離世｜天后告別凡塵火化變輕煙 丈夫被追罵堅稱深愛一輩子

華語天后 李玟 7月初突然離世，家屬7月31號為深受歌迷同大批圈中朋友愛戴嘅Coco舉行喪禮，大批歌迷同市民亦都分批到靈前致哀，各界所送花圈更擺滿靈堂內外。

8月1號出殯日一早，靈堂已坐滿Coco嘅親友送別，而親屬亦安排歌迷分批到靈堂作最後致敬，唯外籍丈夫同兩名繼女都未見現身靈前。儀式完成後靈柩由8位生前親友扶靈，Coco兩位家姐手捧遺照，當靈柩一開始移離禮堂，哭喊聲響徹現場，各人不捨目送Coco永別人世間。

靈柩之後移到歌連臣角火葬場火化，而一直未見蹤影嘅Coco丈夫Bruce樂裕民終於現身，不過佢離場時就被大批歌迷指罵拍打，需要由保安協助解圍，佢亦首次開腔，稱自己對Coco嘅愛一生一世，不過在場嘅歌迷似乎就並不滿意，最後Bruce要狼狽上車「逃走」。

火化後家人於中環大會堂設纓紅宴招待親友，不過連續兩日到場嘅 曾比特 同兩位家姐喺離開時都未有接受訪問。

Coco生前相識遍天下，前一晚設靈時唔少圈中朋友都到場弔唁致哀，同二家姐Nancy一齊經歷半年《中年好聲音》賽事嘅一班戰友，亦齊齊到場表達支持同敬意。

#李玟 #喪禮 #出殯 #扶靈 #Bruce #樂裕民 #火化 #追罵 #李秋林 #李思林 #中年好聲音
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0