Скачать или смотреть RC KINDAMBA AKUTANA NA WADAU WA MKONGE TANGA, USHURU SASA KULIPWA ELFU 47,836.57

Mkuu wa Mkoa wa Tanga Mhe. Waziri Kindamba amekutana na kuzungumza na wadau wa zao la mkonge kikao kilichofanyika wilayani Korogwe.

Katika kikao hicho wamejadili changamoto mbalimbali zinazowakumba wakulima wa zao hilo sambamba na suala la ulipaji wa ushuru wa Halmashauri kwa wakulima wa mkonge.

Akizungumza katika kikao hicho Mkuu wa Mkoa wa Tanga amesema ukusanyaji wa mapato ya Serikali katika Halmashauri ni kipaumbele kwani huduma bora zinazotolewa kwa wananachi zinategemea kodi zinazokusanywa kutoka vyanzo mbalimbali.

Awali Mhe.Kindamba alieleza bei ya ushuru unaolipwa kwa sasa kwa tani Moja ya mkonge uliochakatwa ni shilingi elfu 31,842 sawa na 3% ya bei ya kikokotoo cha miaka Mitano iliyopita kama mwongozo wa bodi ya mkonge ilivyoelekeza.

Kwa upande wake Mkurugenzi wa maendeleo ya mkonge na masoko kutoka bodi ya mkonge Olivo Mtunge amesema kutokana na changamoto mbalimbali zilizoainishwa ikiwemo hali ya sekta kuwa katika hatua ya uhamasishaji ulioanza mwaka 2020 , ushuru wa zao la mkonge kwa tani moja ya ya singa itakuwa shilingi elfu 47,836.57 ikiwa ni ongezeko la asilimia 29 kutoka tozo ya awali ya shilingi 31,842.

Imeandaliwa na Emma Kigombe, Ofisi ya Mkuu wa Mkoa wa Tanga.