عقيد الشداد | جديد الجفراني | 2025

عقيد الشداد

كلمات
سعد بن محسن الدوسري

أداء
الجفراني

مداويات للمالك رجل الأعمال
بـــراك بن ناصـــر الحـــراجين

____________


للتواصل والاستفسارات :
الحسابات الرسمية لـ قناة ابو يعقوب .

‏ Whatsapp
https://api.whatsapp.com/send?phone=9...

____________

الموآل

ياهل المجاهيم قافيكم صباح وهجاد
ويومن يجدد فعول… ايامنا الاوله

اللي يبي شوطنا يحلم بحلو الرقاد
ميقافنا عسر والبيرق يعرف ابطله

واللي على نخبة النخبة سيوفه حداد
عليه قرعينا … وانّا علينا ازعله

ماينثي للشداد الا عقيد الشداد
عودن ليا من نوى بالخصم مايختله

مكبرن هقوته وقفت طيور الهداد
من حطهم محزمٍ له مالحقه ازمله

العود مطنوخ هامه والمشاري سداد
من وقعها صار في بعض الخصوم جفله

صاروا مثل قول ابن عباس فهل الجهاد
ان حاربوا مشكلة وان عودوا مشكلة



القصيدة

ياالدواسر هل البل ورث جيلٍ لجيل
ابشروا بالعلوم اللي عليها طراه

لو تحالف عميل ضدنا مع عميل
اطمهنوا وراس ابليس فوقه حصاه

ذخر لاد الحريجي فالمقام المهيل
نادرن يبهج زحول الدواسر نباه

لا زمى حلفهم والزند ناش الفتيل
اعتزا اخو هيا واخلف ضنون اخصماه

مثل ما العام صرح جعل عمره طويل
قال ناموسكم في ذالشنب واحتماه

ابوناصر يقول …. وفعله اكبر دليل
ابشروا بالسعد مادمت فوق الحياة

اذخروني وانا براك سيفً صقيل
في عجب عينكم يعمي عيون العداه

بسمكم جنبي يداحم .. ومتني يشيل
ولاتوصون راسٍ مايبي له وصاه

المجاهيم حلم اصحابها مستحيل
من بغى الرقم الاول باحتزم واحداه

غير شوط الموحد فيه شوطٍ بديل
ومن تهقوا على النخبة بنقطع رجاه

قوة العزم اهم من النظر والوكيل
علم اللي يصرح من خلاه لخلاه

مايكبر عمود الهوش غير الذليل
لاحدن يواعد بغايب وندهن ثواه

مانهوز المنافس … ياقلال الحصيل
فعلنا يُنشب لسان العدو في جماه

بين عظمً طويل … وبين خفٍ ثقيل
عندنا كل فردي غاليٍ مشتراه

جابها اللي يقول ان الخساير قليل
فوزكم يابني عمي هو اكبر غناه

قبل جرد الرقاب امات عظمن جليل
احتمى ارقاب ربعه تحت سيف الصفاه

ياطويق الجبل / حول الحسا والجبيل
للدواسر طويقٍ تستظل بذراه

اشهد انك حزامٍ يالحريجي جليل
يتنومس بذكره لابته واصدقاه

كل اميرٍ عزيز … وكل شيخٍ فضيل
دام مثلك.. خويي / ماحسدت اخوياه

والله انك اطيب الشيخان واوفاء خليل
والله ان لك رفيقٍ ماتغير وفاه

وصاحبك من على الهقوة مايمكن يميل
واثقٍ بك وعندك / واثقٍ من غلاه

حاول يرد / من بعض الجمايل جميل
وجاه منّك / جميلٍ ماتدور جزاه

جعل يفداك من كفه تمد الهزيل
دايمن لك على عسر المواقف جراه

ماخلق في مسامير الاشده بخيل
من سنين المجاعة حسب قول الرواه

يوم عند العشاير للاصايل صهيل
وعزوة سلالت الملطوم سقم الطغاه

جدنا اللي حكم مارب وظله ظليل
واشمل لنجد يلطم من لقى في نحاه

لو .. ومره الله وللشام …شد الرحيل
ديّن ابليس / والكافر ركع الصلاة

ذخر خطلان الايدي ممنين الدخيل
ربعي اللي لهم فالمجد وجهٍ وجاه

في نحا خيلنا كم من صويب وقتيل
كل حفٍ نسمي بالهضاب اعقداه

جيشنا ينطح القالات لو هو قليل
مثل جيش الشريف اللي كسرنا شباه

استرح يـ مجنـّا / وارسخي يا نخيل
بمن خطلان الايدي … مدبين الطغاه