炎明熹火星女孩上身爆蝦碌 姜皓文為囡囡鮮有舞台開金口

炎明熹火星女孩上身爆蝦碌 姜皓文為囡囡鮮有舞台開金口

Gigi炎明熹 嘅個唱星期六舉行第二場，呢晚Gigi嘅父母、好友姚焯菲同森美都有到場支持。Gigi嘅狀態明顯比頭場更放更投入，尤其係Dance Medley環節，繼續跳唱近13分鐘，表現揮灑自如，跳舞之餘觀眾期待嘅當然係Gigi賣力練習嘅後空翻，完全盡靈活身手及青春魅力。

喺演唱會上Gigi話希望將鍾意嘅歌曲同歌迷分享，不過呢位火星女孩係真係處處有歡樂，喺獻唱《流沙》之前佢突然撥弄鼻樑位置話：「我係咪跌咗少少嘢？」原來係佢眼妝嘅閃片掉落，整理期間不經意變了鬥雞眼，場面蝦碌引來全場爆笑，整理後Gigi好快就投入演出。

嚟到嘉賓環節，Gigi請來喺電視劇《青春本我》中飾演佢爸爸嘅 姜皓文 ，兩父女難得同台，姜皓文指近日有睇新聞，知道「囡囡」拍《還有一艘救生艙》 MV時演技大爆發，鏡頭前話喊就喊，於是被演唱會導演吩咐，上台考驗Gigi演技，要Gigi即場展示「喜怒哀樂」情緒，Gigi自嘲演戲時總是尷尷尬尬。考驗演技後，姜皓文還在台上爆料，話記得拍劇時，有一日同陳煒大家話叫糖水食宵夜，於是將糖水張菜單畀Gigi揀，點知Gigi問係咪點叫都得？姜皓文話：「係呀，你想點叫，食幾多碗都得。」跟住Gigi就話：「嘩﹗你哋好有錢呀！」姜皓文當時已經知道呢個阿女好單純又好可愛，令佢有啲擔心。

接住姜皓文祝福Gigi，希望佢可以紅遍整個宇宙。平日睇姜皓文演戲就多不勝數，但喺舞台大開金口就比較罕見，呢晚佢應Gigi要求獻唱Gigi嘅歌曲《好想約你》，以及《鐵塔凌雲》，台下掌聲如雷。

#炎明熹 #姜皓文 #姚焯菲 #森美 #流沙 #青春本我 #好想約你 #鐵塔凌雲 #還有一艘救生艙
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0