Bookaholics - სილვია პლათის "ზარხუფი"

ჩვენს მეხუთე პოდკასტს ამერიკელ გასაოცარ მწერალ სილვია პლათსა და მის ერთადერთ რომანზე წარმოგიდგენთ.

იმისდა მიუხედავად, რომ "ზარხუფის" გამოცემამ დიდი აჟიოტაჟი გამოიწვია როგორც მის ოჯახის წევრებს შორის ისე ლიტერატურულ წრეებში, სილვიამ დაამტკიცა, რომ არა მხოლოდ შესანიშნავი პოეტი იყო, არამედ პროზაშიც შეეძლო მნიშვნელოვანი კვალი დაეტოვებინა.

რომანი დიდწილად ავტობიოგრაფიულია და საკმაოდ ემოციური საკითხავია, თუმცა იმდენად აქტუალურ თემებს ეხება, რომ შეუძლებელია პარალელები არ გავავლოთ დღევანდელობასთან და ჩვენი ქვეყნის რეალობასთან. გენდერული უთანასწორობა, პატრიარქალურ განწყობებთან ჭიდილი, ქალის როლის დაკნინება ოჯახსა და საზოგადოებაში; საზოგადოების წნეხი, საკუთარი თავის ძიება, მარტოობა, გაუცხოება და მენტალური ჯანმრთელობის პრობლემები - სწორედ ის თემებია, რაზეც სილვია ძალიან გულწრფელად და ხმამაღლა გვესაუბრება "ზარხუფში".

გამოიწერეთ ჩვენი არხი და გაგვიზიარეთ თქვენი შთაბეჭდილებები კომენტარებში, ჩვენთვის ეს მნიშვნელოვანია 🫶🏼