StarTalk丨梁詠琪與老公留港有共識 疫後心態轉變最想享受唱歌

StarTalk丨梁詠琪與老公留港有共識 疫後心態轉變最想享受唱歌

梁詠琪闊別紅館5年，今年再舉行演唱會，佢密鑼緊鼓做宣傳及綵排練歌，呢日佢作客TVB娛樂新聞台節目《StarTalk》，與主持許文軒暢談近況。

梁詠琪今次以「時間」為個唱主題，因過去幾年受疫情影響，梁詠琪覺得時間恍惚被偷走，有啲人舒適圈唔見咗，建立新嘅生活習慣，梁詠琪用《B面第一首》歌詞貼切形容自己：「人生行咗一半嘅路，做番自己，為自己而活嘅心態。」

梁詠琪個唱以劇場形式喺幾百首當中揀合適嘅歌曲，放進「昨日」、「今日」、「明日」用時間串聯一個故事，梁詠琪亦好開心重新再拆解歌詞，佢以歌曲《全年無休》去形容過去嘅自己：「工作一直係我嘅舒適圈，一停咗就唔舒適。」

梁詠琪笑言喺疫情嗰段時間，每晚跟家人一齊玩桌上遊戲，從中反思以前過度放時間喺工作上，疫情期間卻有更多陪伴女兒嘅時間、又可以抽時間學煮飯、整甜品，識咗一班好好嘅同學同老師。

梁詠琪目前擁有愛錫嘅fans、幸福家庭，原來佢同西班牙籍老公Sergio計劃結婚時，佢哋曾傾過將來嘅路，梁詠琪指當時二人好快有共識：「佢覺得佢嘅工作去到邊都可以繼續進行，我嘅工作真係離唔開香港，如果我去咗西班牙，咁我做咩好，我哋都幾清楚，佢有同我講，知道我今日建立自己嘅事業得來不易，走過咁多年，如果我繼續好想做我嘅事業，佢會支持我，佢屋企人都好支持。」梁詠琪希望未來嘅《花火》繼續爆，大家都記得佢，佢回想自己已有好多作品，目前最想係享受唱歌，唔再係忙碌應付工作。

#梁詠琪 #StarTalk #時間 #B面第一首 #全年無休 #Sergio #花火
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0