ƏYLƏC MAYESİ.nə vaxt dəyişilməlidir.

Hərkəsə salam.
İstəyirəm sizə demək olarki butun süruculərin basına gələn və cox önəmli olan əyləc nasazlqlari barədə danısım.
Bu nasazlıqlar ili təzə avtomobillərdədə rast gəlinən və əksər hallarda böyük xərclərə gətirib cixaran nasazlıqlardandı.
Söhbət nədən gedir.
Yəqinki bir coxlarımız avtomobillə uzun səfərə cixdiqda bir necə saatdan sora əyləcin əvvəlki kimi olmadıgının sahidi olmusuq,pedalda bosluqlar,pedalın cox asagı enməsi.əyləcin zəifləməsi kimi.Bu hadisənin ən baslıca səbəblərindən biri əyləc mayesidir.(jidkost)
Əyləc mayesinin aşağıdakı parametrləri və xarakteristikaları nə qədər yüksəkdirsə, onun keyfiyyəti bir o qədər yaxşı olur:

- mayenin qaynama temperaturu (rütubətin 2-4%-i udulmaqla);

- özlülük-temperatur xüsusiyyətləri və stabilliyi;

- antikorroziya və yağlayıcı xüsusiyyətləri;

- rezin detallara uyğunluğu.

Əyləcləmə zamanı mühərrikin silindrlərindəki əyləc mayesi nisbətən yüksək temperaturadək qızır. Əgər temperatur əyləc mayesinin qaynama nöqtəsinə çatarsa, mayedə buxar tıxacları əmələ gələ bilər. Bu zaman əyləci hərəkətə gətirən hissə zəifləyir (pedal aşağıya düşür) və əyləclərin işinin effektivliyi kəskin surətdə azalır. Bu, diskli əyləc mexanizmləri və sürətli avtomobillər üçün xüsusi əhəmiyyət kəsb edən amildir.

Hazırda istifadə olunan əyləc mayelərinin əsas çatışmazlığı onların hiqroskopikliyidir (yəni rütubəti özünə çəkməsidir). Müəyyən edilmişdir ki, il ərzində əyləc sistemindəki rütubət 2-3% su əmələ gətirir ki, bunun da nəticəsində qaynama temperaturu 30-50ºC aşağı düşür. Buna görə də avtomobil firmaları avtomaşının nə qədər məsafə qət etməsindən asılı olmayaraq, əyləc mayesini hökmən ildə 1-2 dəfə dəyişməyi tövsiyə edirlər.

Markalanma

Əyləc mayelərinin markalanması sahəsində iki əsas standart tətbiq edilir: birincisi, SAE J1703 və ikincisi, ABŞ-da tətbiq edilən DOT (Departament of
Transportation) normaları.

Hazırda əyləc mayelərinin istehsalçıları, bir qayda olaraq, reklamlarda, qablaşdırma sənədlərində mayenin DOT normalarına uyğun olduğunu göstərirlər.

Minik avtomobillərində onların konstruksiyasından, texniki xarakteristikalarından və buraxılış ilindən asılı olmayaraq, DOT-3, DOT-4 və DOT-5 normalarının tələblərinə cavab verən mayelər tətbiq edilir. Sürətli avtomobillər, habelə idman avtomobilləri üçün nəzərdə tutulan ən müasir mayelər DOT-5 normalarının tələblərinə cavab verir.