Скачать или смотреть Yulduz Usmonova - JAHANNAM premyera 2026

Yulduz Usmonova
Jahannam | 2026

Zikr tushar hamon qalandar dunyo,
Savdosi yarashmas, dardi yarashmas.
Oti oʻchib borar afsonalarning,
Fojealar yechimsiz, kurash - kurashmas.

Toʻralik tunlari muttahamlarda,
Endi qo'rqoqlikning oti - sabrdir.
Hiyonatning nomi - uddaburonlik,
Oqkoʻngillik - jafo, poklik - jabrdir.

Zinoning nomini muhabbat qoʻydik,
Bozorga solindi orlar, qadrlar.
Goʻzallik sotildi, iffat sotildi,
Savdoga qo'yildi hatto qabrlar.

Riyoni zamona zayliga yo'ydik,
Nahs ahlin hayoti uyg'otdi havas.
Yolg'onda - yangi nom, shirkda - yangi nom,
Endi haqiqatlar - haqiqat emas!

Yovga qulliq qildik, nafsga qullik,
"Men" dedik, o'zlikning bahridan oʻtdik.
Shayton xizmatida qovushtirdik qo'l
Va lekin Xudodan marhamat kutdik...

Erkaklar erkakka zavjadir - yuz voy!
Xotinlar "erman" deb uradi xanda.
Ming bir qiyofamiz, ming nag'mamiz bor,
Kir nomimiz ulug', biri sharmanda.

Yerni osmon desak, osmonni tuproq,
Dunyoning nomini o'zgartirsak ham,
Aslo buzilmagay ilohiy me'yor,
Jahannamning nomi hamon Jahannam...

Dilfuza Komil

  / yulduz_usmonova_lovers  
   / @yulduz_usmonova_lovers  
https://t.me/yulduz_usmonova_lovers