Скачать или смотреть شيلة اسرار المواليف | كلمات : شقير الجذع | اداء : عقيل المقاطي

هندسه : اسامه الحالي توزيع ومكس : عماد شوقي




‏مل قلب حب خله عذابً له
‏كل مايطري عليه الغضي وني

‏يزعج الونات حزنن على خله
‏عدة شهور المراسيل ماجني

‏لو ذعاذيع الهبايب يروحً له
‏كان برسل كل ماخفي وماكني

‏وليت يوم ان الهبايب يمرً له
‏الي يرسل كل مخفى وماكني

‏ودي اعطيه التفاصيل وارسله
‏يوم حبه عن هوا الغير مشغلني

مشغلً فكري وقلبي معه تله
‏لاقطوع ولا وفيً يراسلني

‏من صفى لي ياشقر الراس صافً له
‏وغافلً قلبي عن الي غفل عني

‏ياسمي الي وصوفك ياحلً له
‏مايفيد اهل الهوا ضحكة السني

‏كان مابه ضمةً تبري العله
‏وشفةً لين الشفايف يلينني

‏العيون الساهره ويش يبكن له
‏والجروح الخافيه كيف يبرني

‏عقدك الي عاقده بالهوا حله
‏لاتزيد الجرح ياصغيّر السني

‏لاتعذبني يبو قذلةً هله
‏كان ضنك ياعشيري على ضني

‏ارسل المرسول والمبتلى قله
‏وعطني اسرار المواليف واسالني

‏اترك المقفين والمقبل اقبل له
‏الهوا غصبً على الانس والجني

‏لاتضر الروح منت بعدوً له
‏ولابه اسباب على شان تقتلني

‏ماذكر خلً قتل بالهوا خله
‏وان نفذ قتلي على يدك كفني

‏لفني في سمطة البرقع الهله
‏وحطني بين النهيدين وادفني

‏في ذرا واحد وواحد تحت ضله
‏لن عطفك ياشقر الراس يشملني

‏في جبينك حطني والشعر هله
‏ذرني به ياحبيبي وضللني

‏وكمبيوتر حبنا برمجه كله
‏دقني برقام الادخال وادخلني