මහමෙර පාමුල Mahamera Pamula 1

1992 වසරේ දී ජාතික රූපවාහිනියෙන් විකාශය වූ මහමෙර පාමුල ටෙලිනාට්‍යය දයාරත්න රටගෙදරගේ නිර්මාණයකි. මෙය ඔහුගේ ප්‍රථම ටෙලිනාට්‍ය අධ්‍යක්ෂණයයි. එසේම මෙහි පිටපත ජැක්සන් ඇන්තනී විසින් රචනා කර ඇති අතර මෙය ඔහුගේ ද ප්‍රථම ටෙලි නාට්‍ය පිටපතයි. එසේම මෙය එකල වාරණයකට පවා ලක්වූ ටෙලිනාට්‍යයකි. මෙහි රංගනය වෙනුවෙන් මාලිනි ෆොන්සේකා මහත්මියට 1992 වසරේ දී උන්ඩා අභිනන්දන සම්මානය හිමිවිය.

පිය පුතු ඝට්ටනය මූලික වස්තු බීජය වී ඇති මෙම කතා පුවත, දෙමාපිය ආදරය කුඩා කල සිටම නොලැබුණු දරුවන් අවසානයේ සමාජයේ අසම්මත වූ දෑ කරා පෙළඹෙන අයුරු ඉතා සංවේදීව දිගහරියි. එසේ වීමෙන් කුරිරු හදවත් ඇත්තන් වූව ද ඔවුන් තුළත් සියුම් ලෙස මනුෂ්‍යත්වයක් පවතින බව ප්‍රේක්ෂකයාට කතාව අවසානයේ දී වැටහේ.

මෙහි රංගනයෙන් මාලිනි ෆොන්සේකා, ටෝනි රණසිංහ, මහේන්ද්‍ර පෙරේරා, ඩිලානි අබේවර්ධන, ශ්‍රියන්ත මෙන්ඩිස්, රාධා ද මැල්, දයා අල්විස්, කුසුම් රේණු, නීල් දළුවත්ත, සරත්චන්ද්‍ර පත්තඬුවන, එම්රාන් ඩීන්, එඩී අමරසිංහ, ගාමිණි ජයලත්, සෝමවීර ගමගේ, ජයන්ත අබේරත්න, ඩික්සන් ගමගේ, පී. ආර්. සහීඩ්, නිරාන් සෙනෙවිරත්න, පද්මා ජයසිංහ, මල්කාන්ති ජයසිංහ, ගීතාල් පෙරේරා, විශ්වනාත් මිගෙල්, කපිල සිගේරා යන රංගන ශිල්පීන් ශිල්පිනියන් දායක වූහ.