Peelu Pakian ni a Chunnu ral yar sung by mansoor Ali malangi convert status Kalam: Khawaja Ghulam F

Peelu Pakian ni a Chunnu ral yar sung by mansoor Ali malangi convert status
Kalam: Khawaja Ghulam Fareed
آ چُڑوں رل یار
پیلوں پکیاں نی وے

کئی بَگڑیاں کئی ساویاں پیلیاں
کئی بُھوریاں کئ پِھکڑیاں نِیلیاں

کئی اُود یاں گل نار
کٹویاں رتیاں نی وے

بار تھئی ہے رشک ارم دی
سُک سَڑ گئی جَڑہ ڈُ کھ تے غم دی

ہر جا باغ بہار
ساکھاں چَکھیاں نی وے

جال جلوٹیں تھئی آبادی
پَل پَل خوشیاں دم دم شادی

لوکی سہنس ہزار
کُل نے پَھکیاں نی وے

حُوراں پریاں ٹولے ٹولے
حُسن دیاں ہِیلاں بِرہُوں دے جھولے
راتیں ٹھڈ یاں ٹَھار
گوئیلیں تَتیاں نی وے

رکھدے ناز حسن پروردے
اَبرو تیغ تے تیر نظر دے

تیز تِکھے ہتھیار
دِ لیاں پَھٹیاں نی وے

کئی ڈیون اَن نال برابر
کئی گِھن آون ڈیڈھے کر کر

کئی ویچن بازار
تُلیاں تَکیاں نی وے

کئی دُھپ وچ وی چُنڑدیاں رَہند یاں
کئی گِھن چھاں چھنویرے بنہد یاں

کئی چُنڑں جُنڑں پِیاں ہار
ہُٹیاں تَھکیاں نی وے

ایڈ وں عشوے غمزے نخرے
اوڈ وں یار خرایتی بکرے

کُسنڑں کاننڑں تیار
را ند اں رَسیّاں نی وے

پِیلوں چُنڑدیں بوچھڑں لیراں
چولا وی تھیا لیر کتیراں

گِلڑے کَرِن پچار
سینگیاں سَکیاں نی وے

آیاں پیلوں چنڑن دے سانگے
اوڑک تھئیاں فرید نڑں وانگے

چھوڑ آرام قرار
ہکیاں بکیاں نی وے
#Rana Touseef Pardesi.......🌹🌹🌹🌹🌹🌹🌹