Скачать или смотреть Mannaram piti welle (Kundumani) | Freddie Silva

All rights reserved by Rapavahini Corporation

මන්නාරම් පිටි වැල්ලේ
මදතිය වැල් ඔන්චිල්ලේ
කොන්ඩේ කඩන් හඳට අඩන්
සිංදු කියන්නි කුන්ඩුමනී
කුන්ඩුමනී කුන්ඩුමනී
කුන්ඩුමනී කුන්ඩුමනී

නැහයේ කරාබුව දෙකනේ
කඩුක්කන් දමා සියොළඟ
මොට්ටක්කිලියෙන් හැඩ කොට
වසා ඉඟ නමා
උළුඳු කොටා තල වේලා
තල් පත මත ගිනි අවුවේ ලා
කුන්ඩුමනී

සෙම්බු තාලි උකුලේ හොවා
ආඬි ළිදෙන් දිය ඇදලා
ලුණු පාත්තියට දමා විඩාපත් වෙලා
හැන්දෑවට කෝවිල් ගොස් පොල් ගහලා
නළලේ අළු ගා කුන්ඩුමනී
කුන්ඩුමනී කුන්ඩුමනී
කුන්ඩුමනී කුන්ඩුමනී

ගොම ඉහලා හැදු ගේ බිම
පිච්ච මලින් සරසාලා
කෙසෙල් ගස් දෙකක් දොරකඩ හිටුව තබලා
කොම්බු කතං මෘදංග නද
මුළු ගමටම හඬවා දීලා
කුන්ඩුමනී

සණ්ඩු කරලා බැනුම් අහලා
හැංගි හැංගි බැන්ද ප්‍රේමේ
මහ රාජා ආ කල ගෙට
තිරික්කලෙන් බැසලා
කුන්ඩුමනී යන පෙරහැර
බලා හිඳිමි කීකරු වීලා කුන්ඩුමනී
කුන්ඩුමනී කුන්ඩුමනී
කුන්ඩුමනී කුන්ඩුමනී

මන්නාරම් පිටි වැල්ලේ
මදටිය වැල් ඔන්චිල්ලේ
කොන්ඩේ කඩන් හඳට අඩන්
සිංදු කියන්නී කුන්ඩුමනී
කුන්ඩුමනී කුන්ඩුමනී

සංගීතය :
පද රචනය: ප්‍රේමකීර්ති ද අල්විස්
ගායනය: ප්‍රෙඩි සිල්වා මහතා