ნოემბრის აქციები / November demonstrations (1988)

ის დროა, საბჭოეთის დაისის დრო. თუმცა, ჯერ არ ვიცით, რომ ახლოვდება, მაგრამ თავისუფლების სიო უბერავს და ვგრძნობთ.
კონსტიტუციაში საქართველოსთვის არასასურველი ცვლილებების შეტანას ყოველთვის მძაფრად და პროტესტით ვხვდებოდით. ასე იყო 1978 წლის 14 აპრილს და 1988 წლის ნოემბერშიც, როდესაც ცნობილი გახდა ცვლილების შინაარსი. საბჭოთა კონსტიტუციის ახალი რედაქციით მნიშვნელოვნად იზღუდებოდა მოკავშირე რესპუბლიკების სუვერენული უფლებები.
ეს იყო 9 აპრილამდე, ჯერ კიდევ ერთად, ერთიანები და შემართულები რომ ვიყავით. საქართველოს რესპუბლიკის ცეკას პირველი მდივანი ჯუმბერ პატიაშვილია. ედუარდ შევარდნაძე კი საბჭოთა კავშირის საგარეო საქმეთა მინისტრი, რომელიც სხვადასხვა ქვეყნის პოლიტიკურ ლიდერებთან ერთად ახალი მსოფლიო წესრიგის დამყარებაში მონაწილეობს.
5 ნოემბერს „ილია ჭავავაძის საზოგადოების“ ინიციატივით იპოდრომზე ხალხმრავალი მიტინგი გაიმართა. ამას მოჰყვა მასშტაბური აქციები - გამოსვლები უნივერსიტეტში, შიმშილობა მთავრობის სასახლის წინ, საბჭოთა დროშის ჩამოხსნა და სიტუაციის უკიდურესად გამწვავება.
29 ნოემბერს აქციის მონაწილეებს რუსთაველის გამზირის რადიოქსელით გააცნეს საბჭოთა კავშირის გენერალური მდივნის მიხეილ გორბაჩოვის სიტყვა. ქართველი ახალგაზრდების მოთხოვნის გათვალისწინებით საბჭოთა კავშირის კონსტიტუციაში ცვლილებები და დამატებები აღარ შეიტანეს.
29 ნოემბერს ნაშუადღევს საპროტესტო აქცია შეწყდა.
არქივში არსებული კადრები სწორედ ამ მოვლენებს ასახავს.