Gozos kang Sr. Sant'Iago Apostol de Compostela || Padangpon mo kami Ginoo, Apostol nga Sant'Iago

GOZOS KANG SEÑOR SANTIAGO APOSTOL DE COMPOSTELA

Apostol kang manlalaban
Sa sakop ning kalibutan
Gibansagan ka sa kahitas-an
Niining tibuok nga kalibutan.

R. Padangpon mo kami Ginoo, Apostol nga Santiago.

Iga mantala ko karon
Ang milagro nga hinalangpon
Kay ikaw an ang gilauman
Kalasag sa pag-awayan

R. Padangpon mo kami Ginoo, Apostol ng Santiago.

General ang pagbisti mo
Sa pagpalupad sa kaballo,
Wala gayud ing nahamulag
Imo silang tanan gilaglag.

R. Padangon mo kami Ginoo, Apostol nga Santiago.

Imong tanan gipagowa
Ang sa kalibutan masaba;
Ang ngatanan nanaglabog
Ang bagyo, linti, ug linog.

R. Padangpon mo kami Ginoo, Apostol nga Santiago.

Walay kamot nilang nabakyaw
Kay daw gisidlakan sa adlaw
Wala kay perdon nga gi hatag
Ang kaligutgut mo gipadayag.

R. Padangpon mo kami Ginoo, Apostol nga Santiago.

Vasallos ug mga kapitan
Ang ngatanan nga opisyohan
Gipanguhaan mo sa bantug
Ang daghan mga maisog.

R. Padangpon mo kami Ginoo, Apostol nga Santiago.

Gidakop ka ug tinguhaon
Kay ang kinabuhi mo kokuhaon
Apan wala nimo ug itahud
Ang tanang punoan sa lungsod.

R. Padangpon mo kami Ginoo, Apostol nga Santiago.

Mingdayon sila pag adto
Sa anito nangaliyopo;
Apan wala ngani itoo
Kay mga kahoy ug bato

R. Padangpon mo kami Ginoo, Apostol nga Santiago.
Gibuhat ang daghang lalang
Sa kang Mahomang ginsakpan
Kay daku nila nga kahadlok
Sa pagsukol ug pagbatok.

R. Padangpon mo kami Ginoo, Apostol nga Santiago.

Kay kang Kristo kang gitugotan
Gihinginlan moy kayawa-an
Ug mao may gilauman
Ang manunubos sa kalibutan.

R. Padangpon mo kami Ginoo, Apostol nga Santiago.

Ang dakong mga sukihan
Ginapatagam ug gitumban,
Wala madugay nakita
Nga daw ning banig sa yuta.

R. Padangpon mo kami Ginoo, Apostol nga Santiago.

Dihadiha ka gihibulongan
Sa mga erehes ngatanan
Nga usbon ta na ang pagtoo
Ug pasakop kang Santiago.

R. Padangpon mo kami Ginoo, Apostol nga Santiago.

Ang kaligotgot mo nga matuod
Daw mitupong sa panganod
Aron ang tanan manuo
Nga langitnon kang kaballero.

R. Padangpon mo kami Ginoo, Apostol nga Santiago.

Gikunsad ka daw Salampati
Sa Espiritu Santo nga Pati
Sa pagdungog sa mamingaw
Miduko kag minlinghayaw.

R. Padangpon mo kami Ginoo, Apostol nga Santiago.

Sinugo ni Jesukristo
Nga papamonyagan kanimo
Kay aron ilang hiambitan
Ang langit nga himayaan.

R. Padangpon mo kami Ginoo, Apostol ng Santiago.

Gidayeg nganhi niadto
Sa paggikan niya didto
Sa kang kristo pagpatoo
Ug viva ni Santiago!

R. Padangpon mo kami Ginoo, Apostol nga Saniago.


#SantiagoDeCompostela
#OurHomeCompostela
#MabuhiKaCompostela
#BuenCamino