بليونير - أغنية ثورية سودانية - أيمن ماو

ريقي سوداني خطير .. عن فساد البشير .. Billionaire .. رؤية إخراجية جديدة من تداعيات

BILLIONAIRE

البقيت بليونير .. طار منك إنو ربك كبير
ياخي شعبك فقير .. دايرنك تطير
ــــــــــــــــــــــــــــــــــــــــــــــــــــ
سف .. سف .. سفا ..
ولغف اللغفة ..
بحق الناس كل يوم تتدفي ..
في القيادة وماسك الدفة ..
إنت في كفة .. ونحن في كفة ..
مالي خزنك ضلفة بضلفة ..
بالحرير كل يوم تتلفي ..
والفقير بالجوع إتوفي
ـــــــــــــــــــــــــــــــــــــــــ
جهاز أمنك كلباً وفي ..
كل ما تقوم ثورة بتنطفي ..
لو قلنا لا في غموض نختفي ..
نفي .. وإنت في القصور تحتفي ..

تلب .. تلب بي إنقلاب ..
مسك الحكم بالإغتصاب ..
عم الفساد .. عم الخراب ..
هرمنا .. وراسنا شاب
ــــــــــــــــــــــــــــــــــــــــــــ
الشعب قام من المنام ..
هب .. يريد إسقاط النظام ..
فك الأسر .. فك اللجام ..
تحرير وطننا هو المرام ..
إضراب عام وإعتصام ..
لا نخاف سجن .. لا نخاف إعدام ..
لا نخاف أسد .. لا نخاف ضرغام ..
يا نعيش حرين .. يا حسن الختام
ـــــــــــــــــــــــــــــــــــــــــــــــــــــ
ملك ملوك .. عامل أمير ..
خالك سفير .. عمك وزير ..
كومك كبير .. إبنك مدير ..
دا الرقي نفسو .. من عميد لمشير ..
العيش معاك أصبح عسير ..
شعبك أسير .. بئس المصير ..
جمعاً غفير .. نهتف نسير ..
إرحـــل .. إرحـــل ..
يا رب تطير

Ayman Mao

* * * *