Скачать или смотреть العتيبي يحتمي كلمته لا قالها - ماجد خضير وفايز الدوسري | 2025

بهّر الدلّه عويدي وهيل و زعفران
في طرفٍ نارٍ دلال السعد في جالها

بنّها خولان والزعفران من أصفهان
لجلها تِرخص قروم الرجال أموالها

دلةٍ ماسيقت الاّ على طوال اليمان
الله أنّه يحرم اللاش من فنجالها

اتقهوى والصلف والتعب ماله مكان
و اتهيّض وأحذف عمامتي وعقالها

اتحرا الصبح ومن الاذان اليا الاذن
كن في صدري مزونٍ يصب خيالها

مستحيل الشكّ يلحق وسيعين البطان
خل عنك اللي تشكّك بعد فظلالها

المواقف ماتسنّد على لاش وجبان
الله يخلّي لروس الرجال رجالها

يارفيقي لا تشكوا على فلان وفلان
احذف همومك على منكبي واشتالها

قبل صح لساني اقول صح الله لسان
كل من يتعب على الكلمه اليا قالها

اسعفيني ياهجوسي على سحر البيان
العذار احيان فال الله ولا فالها

في رضى ربعي عتيبه مرويّة السنان
العتيبي مابقي طالةٍ ماطالها

اتعزوا والقصيده مثل بنت الحصان
تسهج الميدان والخيل من خيالها

ايتثنّى لجلها كل مطرق خيزران
ويتوجدٍ عاشقٍ حالته يرثى لها

يامحمد يابن صالح ترى الميعاد حان
ازهل الميقاف والشيله وموالها

فـ المقام اللي يذكّرني بعيد رمضان
ليلة من بين بيض الليال لحالها

من غلا الدكتور غازي سليل اهل العنان
اللزوم الازمه كلّنا حنا لها

عاد ماندري هذا حفل والاّ مهرجان
الزحام معطّل الاجهزه وارسلها

يكفي أنّ أعلى الشهادات ضامنها ضمان
جعل حسناته تجازى بعشر أمثالها

سندّه شيخٍ على الاوله كسب الرهان
(الامير) ايعد عمّ اللزوم وخالها

صالح ابن غازي اللّي مايخلفه الزمان
لو الارض يغيّرون الرجال جبالها

حد سكينه مسلط على رقاب السمان
الضيوف مشرّع الباب لا استقبالها

من بعيد اتقول مجلسه مجلس برلمان
نوره يدف الغداري قبل محوالها

فـ أيمنه عبدالله اللّي ليا حان الاوان
الصعاب اتحل لامن حضر حلاّلها

اسم ابوهاني مايبغى شروح وترجمان
من مطانيخ القبيله ومن عقالها

عزوة الاد المقاطي لا ثار الجبخان
السعد قدامها و الفخر يبرالها

مقدم عتيبه ماترضى الغليبه والهوان
من سنام المجد مايرتخي منزالها

المقاطي فالعلالي مايرضى بالطمان
لا هقى له هقوةٍ ضامنٍ ميصالها

كلنا عزوة عتيبه بني عم وخوان
عزوةٍ تعرف جميع الرجال افعالها

محزم ضلوعي قبل يصنع حزام الامان
يوم بقعا جنب بركانها زلزالها

مثل مانحمى وطنّا على طول الزمان
((العتيبي يحتمي كلمته لا قالها))