Скачать или смотреть இன்றைய நிகழ்வு(31.10.2025)ராஜபாளையத்தில் ராமதாஸ் ஆதரவு பொதுக்குழுவில் 50க்கும் மேற்பட்டோர் பங்கேற்பு

ராஜபாளையத்தில் நடைபெற்ற பாமக நிறுவனர் ராமதாஸ் ஆதரவு நிர்வாகிகள் மாவட்ட பொதுக்குழு கூட்டத்தில் 50க்கும் மேற்பட்ட நிர்வாகிகள் கலந்து கொண்டனர்.

விருதுநகர் மாவட்டம் ராஜபாளையம் அருகே ஆவாரம் பட்டியில் பாமக நிறுவனர் ராமதாஸ் ஆதரவு நிர்வாகிகள் கலந்து கொண்ட மாவட்ட பொது குழு கூட்டம் நடைபெற்றது. மேற்கு மாவட்ட செயலாளர் காளிதாசன் தலைமையில் நடைபெற்ற இந்த கூட்டத்திற்கு, மாவட்டத் தலைவர் ராமராஜ் முன்னிலை வகித்தார். மத்திய மாவட்ட செயலாளர் டேனியல் வரவேற்றார். முன்னாள் சென்னை மாநகராட்சி உறுப்பினர் மணிவண்ணன், சட்ட பாதுகாப்பு மாநில செயலாளர் யுவராஜ் சிறப்பு அழைப்பாளர்களாக கலந்து கொண்டனர். மாவட்டம் முழுவதிலும் இருந்து முக்கிய நிர்வாகிகள், மகளிர் அணியினர் என 50 க்கும் மேற்பட்டோர் கலந்து கொண்டனர்.

நகராட்சிக்கு உட்பட்ட பகுதிகளில் துப்புரவு பணி செய்து வரும் தனியார் நிறுவனம் சரிவர செயல்படாத காரணத்தால் அந்த நிறுவனம் இது அரசு நடவடிக்கை எடுக்க வேண்டும், கூட்டுறவு துறையின் கீழ் இயங்கும் நியாய விலை கடைகளில் பல்வேறு முறைகேடுகளில் ஈடுபடும் கூட்டுறவு மேலாளர் மீது துரை ரீதியான நடவடிக்கை எடுக்க வேண்டும் என்பன உள்ளிட்ட நான்கு தீர்மானங்கள் கூட்டத்தில் நிறைவேற்றப்பட்டது. கிழக்கு மாவட்ட செயலாளர் சண்முகவேல், நகர செயலாளர் கண்ணன், ஒன்றிய செயலாளர்கள் ஆறுமுகம், கஜேந்திரன், ராஜ மாடன் பேசினர். மாவட்ட அமைப்பு செயலாளர் மாஸ்டர் மணி நன்றி கூறினார்.