Med News - Pandemiya dövründə təhsil - Səhiyyə Nazirliyinin şöbə müdiri tələbləri açıqladı

Səhiyyə Nazirliyinin İctimai Səhiyyə və Sanitariya-Epidemioloji Nəzarəti Şöbəsinin müdiri Nəzifə Mürsəlova xüsusi karantin rejimi dövründə təhsil müəssisələrinin fəaliyyətinin bərpası mövzusunda danışıb.
Medical Media nazirliyin mətbuat xidmətinə istinadən xəbər verir ki, şöbə müdiri “Real İntervyu” proqramında bildirib ki, təhsil müəssisələrində tədris və təlim-tərbiyə prosesinin təşkili istiqamətdə işlərin aparılması üçün Nazirlər Kabinetinin “Xüsusi karantin rejimi dövründə Azərbaycan Respublikasında fəaliyyət göstərən təhsil müəssisələrində tədris və təlim-tərbiyə prosesinin təşkili barədə” müvafiq qərarı imzalanıb. Bu qaydalar ÜST-ün “COVID-19-un yayılması ilə əlaqədar təhsil müəssisələrində sağlamlığın qorunması tədbirlərinə dair tövsiyələri” və Azərbaycanda COVID-19 infeksiyasının yayılmasına qarşı aparılan profilaktik və epidemioloji tədbirlər üzrə əldə edilmiş təcrübələr əsasında hazırlanıb.
Nəzifə Mürsəlovanın sözlərinə görə, uşaqda xəstəliyin simptomlarını müşahidə edən və nəticəsi pozitiv çıxmış valideynlər övladını təhsil müəssisəsinə göndərməyə bilər. Şöbə müdiri əlavə edib ki, bədən hərarətinin 37.1°C və ya daha yüksək olduğu müəyyən edilən tələblər dərhal izolyasiya olunacaq. Səhiyyə Nazilriyi rəsmisi qeyd edib ki, ali və orta təhsil müəssisələrində dizenfeksiya işlərinin aparılmasına xüsusi diqqət ayrılacaq.