Скачать или смотреть BUKU ENDE HKBP No. 232 Buku Logu No. 116 Sian Sude Parulian Na Arga (Vokal & Musik)

Sian Sude Parulian Na Arga
Buku Ende No. 232 Buku Logu No. 116

1.
Sian sude parulian na arga
Sada huboto hutiop tongtong
Jesus Tuhanku Ho arta na arga
Na mangatasi sudena antong

Tangkup Tuhanmu tung tiop hataNa
Sai pangasahon ma bagabagaNa

2.
Naeng ho pistar? Sai dapothon Tuhanmu
Nasa na hurang sai boan tusi
Tu pamodaiNa paunduk rohamu
Asa tiur sasude bogasmi

Tangkup Tuhanmu tung tiop hataNa
Sai pangasahon ma bagabagaNa

3.
Naeng ho tigor? Pangasahon Tuhanmu
Na maminggalhon sangapNa sude
Na gabe jolma pasaehon dosamu
Golom ma, aithon panghophopNa i

Tangkup Tuhanmu tung tiop hataNa
Sai pangasahon ma bagabagaNa

4.
Naeng ho mangolu salelenglelengna?
Di Tuhan Jesus do jumpang ho i
Nunga torang ditaluhon sibolis
Nang hamatean sigomgom sude

Tangkup Tuhanmu tung tiop hataNa
Sai pangasahon ma bagabagaNa

5.
Jesus Tuhanku sai Ho huhaposi
Pataridahon tu au holongMi
Pangidoanku tu Ho sai tangihon
Basabasahon tu au ngoluMi

Asa di Ho au di harajaonMu
Lao patulushon pasauthon hataMu


_________________________________________________
Pemain musik:
CPdt. Senada Sialagan
_________________________________________________
Penyanyi:
Bvr. Ertile Tinen Sianturi
_________________________________________________

#hkbp #kantorpusathkbp #gerejahkbp #huriakristenbatakprotestan #bukuende #bukulogu #nyanyiangerejawi #lagurohanibatak #himnegereja