Скачать или смотреть مهلكات الحمر 🔥 لا دعانا ب اسمنا الساطي الجبار 🔥 قعيد المجد | قرناس الشاطري & جفران بن هضبان

اشترك في القناة وفعل التنبيهات ليصلك كل جديد وحصري

لتواصل : https://alfan.link/h2mbr

العمل محمي بـ حقوق مرئيه ©️

مهلكات الحمر للمالك
يزيد المطيري " قعيد المجد "

كلمات
قرناس الشاطري

اداء
جفران بن هضبان

القصيده /

لا اله الا انت ي الواحد الغفار
يلتجي بك كل من كثرت همومه

اسقنا ي الله من الرايح المدرار
غر مزنً بارقه ولع غيومه

شاملً سيله من الخوبه ل سنجار
نافع ورده و شيحه و يشمومه

ياعزيز الشان يا مفني الفجار
دين الاسلام ابتلى له ب جرثومه

عزنا يالله ب سلمان ابونا البار
خادم البيتين يا ربي تدومه

و بولي العهد زيزومنا المغوار
ملهم الرويه قراره من نيومه

حط للابل واهلها قيمه و مقدار
مثل راع مصيحه هاذي سلومه

جاء واخوياه اربعينً طوال اشبار
ماحكمها الا ب جهده و ب عزومه

دولة قامت على الشرع ما تنهار
ماتت اعداها ذليله و مهزومه

ملهم الرويه محمد عرف يختار
والفهد قال السراحين مخدومه

ارتكى خاله و خاله عزيز الكار
طور النادي ب فكره و مفهومه

راس حربة يام لاصار والا صار
شيخ قومً دونها شمّر كمومه

اسم بن حثلين تفرح به ام حوار
والردي ماتستر عيوبه هدومه

لين حث لنا الركايب بعيد الدار
والاوايل مثل الارزاق مقسومه

الحقيقه وجهها ما عليه غبار
والثقه ب الله ماهي ب معدومه

ان تنافسنا تنافس عيال احرار
ومن زعل يزعل ويرضى و م الومه

الملك سيفه يبى صارمً بتار
ومهلكات الحمر تدجر ب مرسومه

هيبة اسمك ياقعيد للبدو تذكار
مايعقب الصقر في وكره البومه

والصقور الجارحه ما تبي صقار
واكثر العالم من الطيب محرومه

ابلشونا ب التصاريح هاالتجار
و سيرة قعيد ب الامجاد من يومه

لاطرى اسمك راحت البدو ف استنفار
وين راع الحمر يعطيني علومه

لا دعانا ب اسمنا الساطي الجبار
نكسره ف الصبح والشمس منجومه

لا اقبلت و مطير معها عساك مجار
والخشوم اللي تبى الفرك مخزومه

الوعد ب رماح ما نقبل المعذار
نشري الموت المصفّى على السومه

بوشنا يرعى من عمان للانبار
خل عنك اللي من طريف ل تنومه

و فعلنا في ما مضى يلفت الانظار
وفعل بعض الناس مايقضي لزومه

ما جهلنا الا سفيه و قصير اشبار
مير بكره يصحي الخبل من نومه

حمر حمران النواظر شرار و نار
خصمها ينشب لسانه ب حلقومه

تلهده ف الكبد مثل الكلام الحار
ينكسر ويطيح ماعاد له قومه

شاعرن كم لي عن الشعر و الشعار
وفي طلب من يزهمه يدرج الحومه

ابن عمً يفتخر به رفيق و جار
يعتبر في صيهد رماح منظومهض