Скачать или смотреть ಚನ್ನಪಟ್ಟಣದಲ್ಲಿ ಹೋಳಿ ಸಂಭ್ರಮ ; ಗಮನಸೆಳೆದ ಸಾಂಪ್ರದಾಯಿಕ ಆಚರಣೆಗಳು

ಬೆಂಗಳೂರು ದಕ್ಷಿಣ ಜಿಲ್ಲೆಯ ಚನ್ನಪಟ್ಟಣದಲ್ಲಿ ಪುರಾತನ ಕಾಲದಿಂದಲೂ ಹೋಳಿ ಹಬ್ಬವನ್ನು ಸಂಭ್ರಮ-ಸಡಗರದಿಂದ ಆಚರಿಸಲಾಗುತ್ತಿದೆ.
ಚನ್ನಪಟ್ಟಣದಲ್ಲಿಂದು ಕಾಮನಹಬ್ಬವನ್ನು ವಿಶೇಷವಾಗಿ ಆಚರಿಸಲಾಯಿತು.
ಕಾಮನ ಮೂರ್ತಿಯನ್ನು ಮೆರವಣಿಗೆ ಮಾಡಿ, ಕಿಚ್ಚು ಹಾಯಿಸಲಾಯಿತು.
ಇದೇ ಸಂದರ್ಭದಲ್ಲಿ ಸಾಂಪ್ರದಾಯಿಕ ಆಚರಣೆಗಳು ನಡೆದವು.
ಬಳಿಕ , ಸ್ಥಳೀಯರಾದ ರವಿಶಂಕರ್, ಹುಣ್ಣಿಮೆಯ ದಿನದಂದು ಕಾಮನ ಹಬ್ಬವನ್ನು ಪ್ರತಿವರ್ಷ ಆಚರಿಸಿಕೊಂಡು ಬರಲಾಗುತ್ತಿದೆ. ಈ ಬಾರಿ ಚಂದ್ರಗ್ರಹಣ ಇರುವುದರಿಂದ ಸಂಜೆ ನಡೆಸಬೇಕಾಗಿದ್ದ ಆಚರಣೆಗಳನ್ನು ಮಧ್ಯಾಹ್ನವೇ ನಡೆಸಲಾಯಿತು. ನಾಳೆ ಮೆರವಣಿಗೆ ನಡೆಯಲಿದೆ ಎಂದರು.
ಮತ್ತೋರ್ವ ಸ್ಥಳೀಯರಾದ ಬಸವರಾಜ್, ಕಾಮನಹಬ್ಬ ಸಹಸ್ರಾರು ವರ್ಷಗಳಿಂದಲೂ ನಡೆದುಕೊಂಡು ಬಂದಿದೆ. ಚನ್ನಪಟ್ಟಣದಲ್ಲಿ ನಡೆಸುವ ಈ ಆಚರಣೆ ರಾಜ್ಯದಲ್ಲೇ ವಿಶೇಷತೆ ಮತ್ತು ವಿಭಿನ್ನತೆ ಪಡೆದುಕೊಂಡಿದೆ ಎಂದರು.
ಇನ್ನೋರ್ವ ಸ್ಥಳೀಯರಾದ ಶ್ರೀಹರಿ, ರಾಜ-ಮಹಾರಾಜರ ಕಾಲದಿಂದಲೂ ಚನ್ನಪಟ್ಟಣದಲ್ಲಿ ನಡೆಸಿಕೊಂಡು ಬರುತ್ತಿರುವ ಕಾಮನ ಹಬ್ಬ ಆಕರ್ಷಣೆಯ ಕೇಂದ್ರವಾಗಿದೆ ಎಂದು ಹೇಳಿದರು.
ಹಿರಿಯ ನಾಗರಿಕರಾದ ನಾಗರತ್ನ, ಚನ್ನಪಟ್ಟಣದಲ್ಲಿ ನಡೆಯಲಿರುವ ಕಾಮನ ಹಬ್ಬವನ್ನು ನಾಡಹಬ್ಬದ ರೀತಿಯೇ ಆಚರಿಸಲಾಗುತ್ತಿದೆ. ಎಲ್ಲರೂ ಬಣ್ಣದ ಓಕುಳಿ ಆಡುವ ಮೂಲಕ ಸಂಭ್ರಮದಿಂದ ಆಚರಿಸುತ್ತಾರೆ ಎಂದರು.

#LiveDDChandanaNews #DDChandanaNews #DDChandana #DDKannada