Скачать или смотреть Непроходимые дороги Անանցանելի ճանապարհներ

Փետրվարի 26-ի երեկոյան Նինոծմինդա քաղաքում և շրջանի գյուղերում սկսվեց սաստիկ բուք, որը շարունակվում է մինչ այսօր։ Ուժեղ քամին և ձյան առատ տեղումները լուրջ խնդիրներ են առաջացրել՝ հատկապես ճանապարհների անցանելիության և տեսանելիության առումով։ Տեղ-տեղ տեսանելիությունը նվազել է գրեթե զրոյի, ինչի հետևանքով երթևեկությունը դարձել է վտանգավոր։
Մանրամասն տեղեկություն ստանալու նպատակով հեռախոսակապ հաստատեցինք Ջավախք Ավտո Գզա ընկերության մենեջերի հետ։ Նրա խոսքով՝ անտեսանելիության և բքի պատճառով ժամանակավորապես փակ է Նինոծմինդա–Ծալկա մայրուղին, ինչպես նաև Նինոծմինդա–Հայաստանի սահմանային անցակետ տանող ճանապարհահատվածը։ Ճանապարհային ծառայությունները աշխատում են ուժեղացված ռեժիմով, սակայն եղանակային պայմանները շարունակում են խոչընդոտել աշխատանքներին։