BOBOMUROD HAMDAMOV VAFOT ETDI | БОБОМУРОД ҲАМДАМОВ ВАФОТ ЭТДИ

Bugun o'zbek xalqi, milliy san'at ixlosmandlari og'ir judolikka uchradi. O'zbekiston, Turkmaniston va Qoraqalpog'iston xalq artisti Bobomurod Hamdamov 84 yoshida bu yorug' dunyoni tark etdi.

1940-yilning 4-mart kuni Turkmanistonda tug'ilgan Bobomurod Hamdamov bolaligidan qoʻshiq aytishni yaxshi koʻrgan. U asosan 4 tilda: o‘zbek, turkman, tojik va hind tilida xalq qoʻshiqlarini ijro etgan.

Uning «Sulton Jaloliddin», «Kim ekan», «Devona», «Galdimu», «Qo‘rqdim» kabi qo‘shiqlari keng ommalashib, xalq qalbida munosib o‘rin egallagan.

Afsonaviy o'zbek xofizi Komiljon Otaniyozovning shogirdi va munosib davomchisi bo'lgan Bobomurod Hamdamov taniqli hind aktyori Raj Kapur bilan doʻstona munosabatda boʻlgani haqida ham ma'lumotlar mavjud.

Bobomurod Hamdamovning turmush oʻrtogʻi Jumagul Rajapova 2022-yilda 79 yoshida vafot etgan, ularning besh oʻgʻli va bir qizi bor edi.