Скачать или смотреть Zhurma pulsuese në vesh, shpëton 21-vjeçarja

Spitali Amerikan, i dyti në Europë që kryen ndërhyrjen inovatore në tru

Spitali Amerikan bëhet i pari në Ballkan dhe i dyti në Europë për kryerjen e një ndërhyrje jetshpëtuese në tru.

Ka qenë një 21 vjeçare e cila vuante nga zhurma në vesh dhe së fundmi kishte pësuar edhe një trombozë në tru që i rrezikonte jetën.

Trajtimi neurokirurgjikal dhe neuroendovaskular i avancuar për Tinnitus Pulsatile u realizua në qendrën e STROKE në spitalin Amerikan 3, nën ndrejtimin e një prej eminencave botërore të neuroradiologjisë intervenciuonuese Prof. Emmanuel Houdart dhe ekipi i neuroshkencës i përbërë nga Prof. Asc. Dr. Eugen Enesi dhe Prof. As. Dr. Arben Rroji.

"Nëse pacienti dëgjon një zhurmë e ngjashme me atë të rrahjeve të zemrës dhe më e rëndësishmja është nëse ajo pushon kur e shtyp qafën duke ushtruar presion në enët e qafës atëherë kjo mund të kryhet nëpërmjet ndërhyrjes mini-invazive", sqaroi Prof.Houdart.

Mentor Petrela MD, PhD, Chev LH, PU-PH Fr, WANS, IFAANS, tregon se kjo ndërhyrje nuk ishte e lehtë dhe se në Shqipëri ka shumë raste të tilla.

"E gjithë procedura kryhet pa hapje të kokës, shfrytëzohen arteriet dhe nëpërmjet sondave dhe kateterëve futemi në arterie dhe në këtë rast kemi shfrytëzuar edhe venën", shpjegon Prof.Mentor Petrela.

Asistenca e Prof.Emmanuel Houdart, për Prof. Mentor Petrela është më shumë se një shkëmbim eksperiencash.

"Historia e ardhjes së tij lidhet me xhaxhain e tij, i cili është formuesi i shkollës së neurokirurgjisë dhe neurologjisë në Shqipëri, ku unë kam pasur nderin të jem nxënësi i xhaxhait të tij", rrëfeu Prof.Petrela.

Është hera e parë që kjo ndërhyrje inovatore në botë për trajtimin e kësaj patologjie kryehet në një spital tjetër në Europë, përvec Lariboisier në Paris, ku cdo vit realizohen 800 angiografi cerebrale dhe 500 ndërhyrje endovaskulare në tru, shtyllën kurrizore dhe regjionin e ORL.

Prof.Emmanuel Houdart dhe Prof.Mentor Petrela kanë mbajtur gjithashtu edhe një simpozium dedikuar diagnostikimit dhe trajtimit të Tinnitus Pulsatile, event i cili u ndoq me shumë interes nga mjek specialistë dhe specializantë të ORL, Neurokirurgjisë, Neurologjisë dhe Radiologjisë.

Për më shumë informacion kontaktoni në numrin e telefonit 042 35 75 35 ose klikoni në: rezervime.spitaliamerikan.com

Spitali Amerikan, përqafoje jetën!

#spitaliamerikan