Скачать или смотреть Top News - Panik në Paris, evakuohet Luvri / Grabitje spektakolare në muzeun më të vizituar në botë

Turistët janë larguar në panik nga muzeu i Luvrit pasi një grabitje dramatike detyroi mbylljen e papritur të muzeut më të vizituar në botë. Një bandë "kriminelësh shumë të organizuar" hyri me forcë dhe thuhet se u largua me miliona euro bizhuteri historike që dikur i përkisnin Napoleon Bonapartit dhe Perandoreshës Jozefinë. Grabitja dramatike, e përshkruar nga hetuesit si e planifikuar me kujdes, u krye të dielën në mëngjes, duke detyruar mbylljen e papritur të muzeut "për arsye të jashtëzakonshme" dhe duke shkaktuar një operacion të madh policor në zemër të Parisit. Ministrja e Kulturës e Francës, Rachida Dati, njoftoi në platformën X: "Një grabitje ndodhi këtë mëngjes në hapjen e muzeut të Luvrit. Nuk ka të lënduar. Ndodhem në vendngjarje së bashku me ekipet e muzeut dhe policinë. Hetimet janë duke u zhvilluar".
Muzeu konfirmoi një mbyllje të paplanifikuar për një ditë të plotë "për arsye të jashtëzakonshme". Sipas burimeve policore të cituara nga Le Parisien, banda e grabitësve mundi të hynte në ndërtesë nga ana e lumit Sena, ku po zhvillohen punime ndërtimi. Ata, sipas një burimi, përdorën një ashensor mallrash që të çon direkt në sallën e shënjestruar. Dy burra hynë brenda duke vjedhur nëntë pjesë bizhuterie nga koleksioni i Napoleonit dhe Jozefinës. Koleksioni i grabitur, i përket kohës kur Napoleoni dhe Jozefina u kurorëzuan Perandor dhe Perandoreshë në 1804-ën dhe është ndër më të shkëlqyerit në historinë franceze.
Grabitja thuhet se ndodhi menjëherë pasi dyert e muzeut u hapën dhe vizitorët e parë hynë brenda, sipas Le Figaro. Njësitë e policisë rrethuan zonën ndërsa mijëra vizitorë u evakuuan dhe u urdhëruan të qëndronin larg. Hetimi që ka nisur tashmë do të kërkojë të përcaktojë se si kriminelët hynë me forcë në një nga vendet më të sigurta në Evropë. Luvri është simbol i kulturës franceze dhe shtëpia e kryeveprave, përfshirë Mona Lizën dhe skulpturën e famshme të Afërditës. Muzeu më i vizituar në botë, tërheq 8 deri në 9 milionë vizitorë çdo vit. Ai gjithashtu mban rreth 380,000 objekte, me më shumë se 35,000 të ekspozuara. Koleksioni i Luvrit vlerësohet të ketë vlerë dhjetëra miliarda euro, duke e bërë atë një nga muzetë më të ruajtur mbi Tokë. Sidoqoftë, kryeqyteti francez është tronditur nga grabitjet e nivelit të lartë të veprave të artit edhe më parë, duke përfshirë madje edhe Luvrin. Grabitja më famëkeqe është regjistruar në 1911, kur Mona Lisa e Leonardo da Vinçit u vodh nga Vincenzo Peruggia, një punonjës i muzeut i cili u fsheh në një dollap gjatë natës për të marrë pikturën. Ajo u gjet dy vite më vonë kur ai u përpoq t’ia shiste një tregtari antikitetesh në Firence.


Pamje:AFP

Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#TopNews#Grabitja#Paris