HK E NEWS｜2022香港小姐挑戰七日同居 6號林泳怡因學業退選｜上屆佳麗梁凱晴、邵初、關楓馨分享經驗｜3號陳瑞菱割腫瘤留疤痕 14號梁超怡紀念故友紋身｜TVB娛樂新聞

HK E NEWS｜2022香港小姐挑戰七日同居 6號林泳怡因學業退選｜上屆佳麗梁凱晴、邵初、關楓馨分享經驗｜3號陳瑞菱割腫瘤留疤痕 14號梁超怡紀念故友紋身｜TVB娛樂新聞

《2022香港小姐競選》嘅一班候選佳麗，星期日一早就整裝出發參與Staycation加集訓行程，今次呢個7日嘅行程，除咗以輕鬆形式俾佢哋一齊訓練之外，當然亦會拍攝成為佢哋參賽嘅一部份啦。 除咗一班佳麗之外，舊年參選嘅 邵初 梁凱晴 同埋 關楓馨 亦都會隨隊一齊參與，係必要時向師妹提供協助。不過呢日出發嘅候選佳麗當中，就少咗6號 林泳怡 嘅身影，根據港姐統籌經理 何小慧 所講，原來Wendy因為學業問題已經決定退選喇。 而有份一齊集訓嘅小師姐，就話準備出發回憶已經返晒嚟，仲話可以將舊年嘅經驗同各位分享吓，仲叫佢哋要記得好好享受呀。 雖然就話係Staycation，不過當中包括泳裝拍攝嘅環節，相信一班參選佳麗都難以放鬆心情喇，而 4號 許子萱 同 2號 林曉彤 就各有唔同Keep住身形嘅方法喇。8號 林鈺洧 就話一早已經開始為泳裝環節準備， 13號 邢慧敏 就有少少擔心自己泳裝現身會緊張喇。 而 3號 陳瑞菱 就因為曾患大病需要開刀切除腫瘤而令胸腹有近尺長嘅疤痕，呢日佢就話大病令自己有好多得著，亦令自己更享受每日嘅生活。至於 14號 梁超怡 手上嘅紋身，就話係因為咗紀念多年好友離世嘅印記喇。 今次要一齊集訓7日，佢哋當中亦都話要趁難得機會好好互相認識， 17號 張靜婷 就話要同呢班好朋友互相鼓勵支持一齊比賽喇。



#2022香港小姐 #香港小姐 #Staycation #邵初 #梁凱晴 #關楓馨 #許子萱 #林曉彤 #林鈺洧 #邢慧敏 #陳瑞菱 #梁超怡 #張靜婷 #TVB #娛樂新聞 #StayHome #WithMe #跟我一樣 #宅在家