ኣብ ኣዴኻን ሓብትኻን ጓልካን ክፍጸም ዘይትደልዮ ኣብዛውን ኣይትፈጽሞ

ሓዳር እግዚአብሔር ዝሰርዖ 3 ዓበይቲ ምስጢራት ኣለዎ ። ንሎሚ ግን ምስጢር ዝብል ሓረግ ኢና ክንሪ
1. ምስጢር
2. ናይ ድሕነት መገዲ
3. ናይ ጽድቂ ስፍራ
1. ምስጢር ዝተብህለሉ ምኽንያት።
ብምስጢረ ስጋዌ ምሳለ እዩ። ዮሐ 1፡14። ቃል ስጋ ኮነ። ቃል ማለት ኣዝዩ ረቂቕን ሰፊሕን ምስጢር እዩ ብኣሕጽሮት ካብ ሰለተ ኣካል ሓደ ኣካል፡ ማለት ካብ አብ ወልድ ወመንፈስ ቅዱስ፡ ሐደ ኣካል ወልድ ካብ ቅድስት ድንግል ማርያም ካብ ስጋኣ ስጋ ካብ ነፍሳ ድማ ንፍሲ ወሲዱ፡ ፍጹም አምላክ ፍጹም ሰብ ኮነ ዝብል ሃይለቃል ወሲድና ክንምሃሃር ብርሃን ቅዱስ መፈሱ ይኽሰተልና ኣሜን። ስለዚ ምስጢር ተዋህዶ እዚ ዘይፈርስን ዘይፈላለን ዘለኣለማውን ከም ምዃኑ ንኣምን መጠን።
ሓዳር ድማ ሓንሳብ በቲ ስርዓቱ ምስ ተመስረተ፡ ብዘይካ ብስለስተ ምኽንያት፡ ንሳቶም ድማ 1/ ዝሙት/2 ምንፍቕና/3 ሞት እንተ ዘይኮይኑ፡ ብፍጹም ዘይፈርስ እዩ።

ከምቲ ምስጢር ተዋሕዶ መለኮትን ትስብእትን፡ መለኮት ባህሪኡ ከይለወጠ ስጋውን ስጋውነቱ ከይለወጠ ካብ ክልተ ኣካል ፡ሓደ ኣካል ዝኾነ ፡
ስብኣይን ስበይትን ውን ድሕሪ መርዓ ሓደ ኣካል እዮም።
እምበኣር ሰብኣይ ናይ ክርስቶስ ምሳሌ እዩ፡ ስበይቲ ድማ ናይ ቤተክርስትያን ምሳሌ እያ።
ስለዚ ከምቲ ክርስቶስ ንቤተ ክርስትያን ክሳብ ሞት ዘፍቀራ።
ሰብኣይ ድማ ንስበይቱ ክሳብ ሞት ክፍቅራ ይግባእ።
ናይ ሎሚ ዘለና ዝበዛሕና ሰብኡት ግን ከምኡ ዲና? ብናተይ ኣመለኻኽና ዝተዋህበና ሓላፍነት ዘፍረስና ኢና፡ ምኽንያቱ ኣብ ኣዴናን ሓብትናን ክፍጸም ዘይንደልዮ ነገራት፡ ኣብ ልዕሊ ብዙሓት ኣሓትና ክፉእ ነገር ንፍጽም። ንኣብነት….

ከምቲ ቤተክርስትያን ንክርስቶስ እትእዘዞ ሰበይቲ ድማ ንስብኣያ ከም ፍቓድ አምላኽ ክትእዘዞ ኣለዋ።
እዚ ማለት ድማ ከምቲ ክርስቶስ ንቤተክርስያን ብመከራ መስቀል ደሙ ብምሳስ ዘቕደሳ፡ ካብ ጎኑ ዝፈሰሰ ማይ ዘጽረያን ዘኽበራን፡
ሰብኣይ ከኣ ፡ ንሰበይቱ ከሓጉሳ ክጽዕር ኣለዎ ፡ ብእትገብረሉ ሓልዮትን ምክንኻንን ድማ ክንእዳ ኣለዎ።
ከምኡ ድማ ከምቲ ቤተክርስትያን ነቲ ርእሳ ዝኾነ ክርስቶስ እና ተኣዘዘት እትነብር ፡ሰብይቲ ንስብኣያ ትተኣዘዞ፡ 1ጴጥ 3፡5 ቀደም ድማ እተን አምላኽ ዝተስፍአን ቅዱሳት ኣንስቲ ፡ ከምዚ ኢለም እየን ዝተሰለማ። ንሰብኡተን ይእዘዛ ነበራ። 6 ሳራ ንኣብርሃም ጎይታይ እናበለት ትእዘዞ ነበርት። ንስኻትክንውን ከምኡ ጽቡቅ እንተገበርክን ፡ ገለ ነገርውን እንተዘይ ፈራህክን ደቃ ኢኽን።