Скачать или смотреть ពន្ធលើចំណេញមូលធន (ពន្យល់សង្ខេប) Capital Gain Tax

ពន្ធលើចំណេញមូលធន (ពន្យល់សង្ខេប) Capital Gain Tax‪@CambodianTaxKnowledges‬
ចំណុចសំខាន់ទី១ តើពន្ធលើចំណេញមូលធន ត្រូវយកលើមូលធនអ្វីខ្លះ?
ពន្ធនេះ នឹងយកពីផលចំណេញនៃការលក់ ឬផ្ទេរមូលធនចំនួន៦គឺ ទី១ អចលនទ្រព្យ (រួមមានដី អគារ និងសំណង់) ទី២ ភតិសន្យា ទី៣ ទ្រព្យវិនិយោគ ទី៤ កេរ្តិ៍ឈ្មោះអាជីវកម្ម ទី៥ កម្មសិទ្ធបញ្ញា និងទី៦ គឺរូបិយវត្ថុបរទេស។

ចំណុចសំខាន់ទី២ តើមូលធនបែបណា មិនជាប់ពន្ធលើចំណេញមូលធន?
ពន្ធលើចំណេញមូលធនត្រូវបានលើកលែងចំពោះការលក់ឬផ្ទេរ៖
ទី១- ទ្រព្យដែលជាកម្មសិទ្ធិរបស់ស្ថាប័នរដ្ឋ។
ទី២- ទ្រព្យដែលជាកម្មសិទ្ធិរបស់បេសកកម្មទូតឬកុងស៊ុលបរទេស អង្គការអន្តរជាតិឬទីភ្នាក់ងារសហប្រតិបត្តិការ បច្ចេកទេសនៃរដ្ឋាភិបាលដទៃ។
ទី៣-និវាសនដ្ឋានជាគោលដើមរបស់អ្នកជាប់ពន្ធ ដែលបានកាន់កាប់ក្នុងរយះពេលយ៉ាងតិចប្រាំ ឆ្នាំមុន ពេលលក់ឬផ្ទេរ។
ទី៤- អចលនទ្រព្យក្នុងរង្វង់ញាតិ
ទី៥- ទ្រព្យដែលត្រូវបានលក់ឬផ្ទេរដើម្បីបម្រើប្រយោជន៍សាធារណៈ ស្របតាមច្បាប់ស្ដីពីអស្សាមិករណ៍។
ចំណុចសំខាន់ទី៣ តើពន្ធលើចំណេញមូលធន គណនាយ៉ាងដូចម្តេច?
វិធីគណនាមានពីរបៀបគឺ វិធីកាត់កងចំណាយតាមការកំណត់ និងវិធីកាត់កងតាមចំណាយជាក់ស្ដែង
វិធីទី១- វិធីកាត់កងចំណាយតាមការកំណត់៖ ត្រូវបានអនុញ្ញាតឱ្យធ្វើការកាត់កងចំណាយ ៨០ ភាគរយនៃប្រាក់ចំណូលដែលទទួលបានពីការលក់ឬផ្ទេរទ្រព្យ ។
វិធីទី២ វិធីកាត់កងតាមចំណាយជាក់ស្ដែង ដែលចំណាយនេះរួមមាន៖ ថ្លៃដើមពេលទិញទ្រព្យ ចំណាយលើសេវាពិគ្រោះយោបល់ ប្រាក់ពន្ធប្រថាប់ត្រាដែលបានបង់នៅពេលទិញឬទទួលទ្រព្យ ប្រាក់ពន្ធលើអចលនទ្រព្យ ឬប្រាក់ពន្ធលើដីធ្លីមិនបានប្រើប្រាស់ ដែលបានបង់ចំណាយលើសេវារដ្ឋបាលសុរិយោដីឬភូមិបាល ចំណាយលើការផ្សព្វផ្សាយពាណិជ្ជកម្ម ចំណាយកម្រៃជើងសា ចំណាយលើការវាយតម្លៃទ្រព្យ ចំណាយលើសេវារដ្ឋបាលចំពោះការខ្ចីប្រាក់ដើម្បីទិញឬទទួលទ្រព្យ ចំណាយការប្រាក់ចំពោះការខ្ចីប្រាក់ដើម្បីទិញទ្រព្យដែលបានបង់ក្នុងអំឡុងពេលកាន់កាប់ទ្រព្យ ចំណាយថែទាំនិងកែលម្អទ្រព្យ និងចំណាយក្នុងការបង្កើតឬរក្សាការពារនូវសិទ្ធិកាន់កាប់ទ្រព្យ។

កំណត់សម្គាល់- ចំពោះមូលធនជាអចលនទ្រព្យ អ្នកជាប់ពន្ធត្រូវបានអនុញ្ញាតឱ្យជ្រើសរើសវិធីណាមួយក្នុងចំណោមវិធីទាំងពីរខាងលើ។ ចំពោះមូលធនដទៃទៀត អ្នកជាប់ពន្ធត្រូវបានអនុញ្ញាតឱ្យកាត់កងចំណាយ តែតាមវិធីកាត់កងតាមចំណាយ ជាក់ស្ដែងប៉ុណ្ណោះ។

ប្រសិនបើមានចំងល់ សូមខំមិនខាងក្រោមវិដេអូ
សូមអរគុណ
#taxi #Taxes #tax #taxidermy #TaxSeason #taxationistheft #taxrefund #TaxReturn #taxtime #taxidriver #taxpreparer #TaxLiens #taxfree #taxidermyart #TaxProfessionals #taxation #taxprofessional #TaxPreparation #TaxPlanning #taxhelp #taxmoney #taxidermist #taxprep #taxreform #taxis #Taxco #taxtips #taxservice #taxcollection #TaxDay #capitalgain #capitalgaintax #ពន្ធលើចំណេញមូលធន #ពន្ធ #ពន្ធដារ #ពន្ធគយ #អគ្គនាយកដ្ឋានពន្ធដារ #GDT