Скачать или смотреть Kama ni mbunge, Bukombe wamempata, anasema na kutenda

Mbunge wa Jimbo la Bukombe mkoani Geita, Doto Biteko amewapongeza wakazi wa jimbo hilo kwa juhudi zao za kushiriki kwenye utekelezaji wa miradi mbalimbali ya maendeleo na kuahidi kuendelea kuwaunga mkono ili kukamilisha miradi hiyo.

Biteko ambaye pia ni Waziri wa Madini ametoa pongezi hizo wakati akizungumza kwa nyakati tofauti, kwenye ziara ya kukagua utekelezaji wa miradi ya maendeleo ikiwemo afya na elimu iliyoanzishwa kwa nguvu za wananchi.

Akiwa katika Kata ya Bugelenga, Biteko amechangia shilingi milioni mbili taslimu kwa ajili ya kukamilisha ujenzi wa vyumba viwili vya madarasa pamoja na ofisi ya waalimu katika shule ya msingi ya Kijiji cha Mkange. Pia alitoa kiasi kama hicho katika shule ya msingi Mtakuja ili kukamilisha ujenzi wa vyumba vya madarasa.

Biteko pia ametoa ahadi ya vitanda kwa ajili ya Zahanati ya Kijiji cha Msasani ambayo kwa muda mrefu haijaanza kutoa huduma kwa wananchi na kuhimiza maboresho yanayoendelea katika Zahanati hiyo yakamilike ili ianze kufanya kazi.

Aidha Biteko ametembelea pia daraja la Masumbwe linalounganisha wilaya ya Bukombe na Mbogwe na kujionea uharibifu kwenye daraja hilo ambapo Mhandisi Joel Nyanda kutoka Wakala wa Barabara Mjini na Vijijini TARURA wilayani Bukombe, aliahidi kulifanyia ukarabati daraja hilo pamoja na barabara ya Mwalo-Iyogelo-Bugelenga-Masumbwe.

Awali Biteko amepokelewa kwa shangwe na wakereketwa wa Chama cha Mapinduzi katika Kijiji cha Mwalo Kata ya Ushirombo, waliompeleka kujionea ujenzi wa ofisi ya chama hicho ambapo alichangia aliwaunga mkono kwa kutoa shilingi laki tano taslimu.
Na George Binagi-GB Pazzo, BMG