Скачать или смотреть క్రీస్తు ప్రభుని కోరిక || Sunday Worship || Rev. Nimmagadda Surendra Babu

Covenant Temple
Join Us on our Path to Heaven
Rev. Nimmagadda Surendra Babu M.div
For Prayer Request 9866239784
mail id: [email protected]

దైవజనులు నిమ్మగడ్డ సురేంద్రబాబు గారు కృష్ణాజిల్లా పామర్రు మండలం బల్లిపర్రు గ్రామంలో శ్రీమతి & శ్రీ నిమ్మగడ్డ కోటేశ్వరరావు స్వరాజ్యలక్ష్మి దంపతులకు తృతీయ సంతానముగా జన్మించారు. యవ్వన ప్రాయములో బాధ్యతలు మరచి దురలవాట్లకు దగ్గరై సమాజానికి , స్వకుటుంబానికి సమస్యాత్మకంగా మారారు. మరణ భయం , భవిష్యత్తును గూర్చిన భయాలతో అనుక్షణం ఆందోళనతో బ్రతుకుతున్న సమయంలో యెషయా 25:8 వాక్యం ద్వారా అద్భుత దేవుని ప్రత్యక్షత పొందుకున్న మీదట ఆదరించబడ్డారు, మారుమనస్సు పొంది రక్షించబడ్డారు .

1992 సంవత్సరంలో దేవుని పరిచర్యార్ధమైన పిలుపు పొందుకున్న వారై వేద విద్యనభ్యసించేందుకు మంగళగిరి సమీపములో గల ఆత్మకూరు నందు మరనాత వేద పాఠశాలలో అడుగుపెట్టి D.Th., పిమ్మట బెంగళూరులోని Southern Asia Bible College లో B.Th., మీదట చెన్నైలోని Madras Thelogical Seminary and College నుండి M.Div. లను అభ్యసించారు.

1997 లో Dr. వీరపనేని ఎస్తేరు జ్యోతితో వివాహానంతరం , బోధన పరిచర్యలో అడుగుపెట్టి
" ఇక్తూస్ బైబిల్ కాలేజ్"
( గుడివాడ)
"థెరిస్మోస్ వేద విద్యాపీఠం"
(విజయవాడ)
"మరనాత వేద పాఠశాల"
(హైదరాబాద్) ల యందు వివిధ పరిచర్యార్థమైన బాధ్యతలు నిర్వర్తించి బోధకునిగాను, శిష్యులను తయారు చేయువానిగాను, సువార్తికునిగాను, సంఘస్థాపకునిగాను పరిచర్య చేశారు.

రెండు తెలుగు రాష్ట్రాలలోని పలుతావులలో దైవ సేవకుల సదస్సుల ద్వారా వందలాదిమంది దైవ సేవకులను ప్రోత్సహించారు. మాతృభాషలో ముద్రించబడుతున్న కొన్ని ప్రఖ్యాతిగాంచిన మ్యాగజైన్లలో తమ అమూల్యమైన రచనల ద్వారా విశ్వాసులను బలపరుస్తూ, సేవకులను ప్రోత్సహిస్తూ, అన్యులను ప్రభావితం చేస్తూ తన పరిచర్యను కొనసాగించారు.
రక్షణ T.V ఆరాధన T.V నిరీక్షణ T.V ఛానళ్ళ ద్వారా అందించిన దైవజనుల వర్తమానములు అనేకులకు రక్షణార్థం గాను, దీవెనకరంగాను ఉన్నాయి.
"ప్రసంగ పరిమళాలు "మరియు "Nibandhana Prayer Temple" అనే రెండు You Tube ఛానళ్ళ ద్వారా అందిస్తున్న దైవ సందేశాలు ఎందరినో ఆలోచింపచేస్తున్నాయి ప్రభావితం చేస్తున్నాయి.

ఆంధ్ర ప్రదేశ్, తెలంగాణ రాష్ట్రాల అందలి దాదాపు అన్ని జిల్లాలకు యవ్వన బృంధాలతో వెళ్లి వందలాది గ్రామాలలో సేవకుల సమావేశాలు, సువార్త సభలు నిర్వహించి స్థానిక సంఘాలను బలోపేతం చేయడంలోనూ ,నూతన సంఘాలను ఆరంభింప చేయడంలోనూ బలమైన సాధనంగా ప్రభువు చేతిలో వాడబడిరి.

దైవ దర్శనం, పరిశుద్ధాత్మ అభిషేకంతో పని చేస్తున్న సురేంద్ర బాబు గారికి ఆత్మ పూర్ణులైన దైవజనులు శ్రీ గుళ్ళపల్లి మోజెస్ చౌదరి గారు , శ్రీ వీరపనేని స్టీవెన్ గారు , శ్రీ సజ్జా బర్నబాస్ గారు మరియు శ్రీ కంచర్ల నిరీక్షణ కుమార్ గార్లు స్ఫూర్తిగా నిలిచారు.

అవరోధాలను అధిగమిస్తూ విజయవాడ పట్టణంలోని కామయ్య తోపు నందు నిబంధన ప్రార్ధన మందిరము పేరట సంఘమును ఆరంభించి నడిపిస్తున్నారు . సంప్రీత్ , సంకేత్ రూపంలో ఇరువురు భౌతిక కుమారులతోపాటు అనేకమంది ఆత్మీయ సంతానాన్ని సమర్పణాయతమైన సహకార బృంధాన్ని ప్రభువు అనుగ్రహించారు .

"దేవుని సేవించుట - దేవుని గూర్చి సాక్ష్యమిచ్చుట "అనే నినాదంతో సాగుతున్న ఈ పరిచర్యకొరకు ప్రార్థిస్తున్న, సహకరిస్తున్న దైవజనులకు , విశ్వాసులకు మరియు శ్రేయోభిలాషులకు కృతజ్ఞతలు.