Cermonia, Meta u jep titullin Nderi i Kombit valltarëve Rexhep Çeliku dhe Liljana Cingu

Presidenti Ilir Meta ka vlerësuar me dekoratën ‘Nderi i Kombit’ dy valltarët e Ansamblit Kombëtar të Valleve, Rexhep Çeliku dhe Liljana Cingu për kontributin ndër vite. Valltarët Rexhep Çeliku dhe Liljana Cingu kanë falënderuar Metën për dekoratën, ndërsa e kanë cilësuar si një vlerësim për të gjithë trupën.
“Falenderoj Presidentin për dekoratën. Është një gjë shumë e vlefshme, jo vetëm për mua, por për të gjithë kolektivin që kemi punuar” u shpreh Çeliku.

Meta i cilësoi si dy artistë të jashtëzakonshëm. “Dua të falënderoj dy artistët tanë të jashtëzakonshëm, e lartësojnë këtë dekoratë. Dua t’i kujtoj ansamblit që ka mjaft punë këtë vit të ‘Skënderbeut’ si brenda dhe jashtë vendit” përfundoi kreu i shtetit. Rexhep Çeliku Liljana Cingu janë dy valltarë të njohur të Ansamblit Kombëtar të Këngëve dhe Valleve Popullore.