Скачать или смотреть #TAZAMA

Serikali imetangaza awamu ya kwanza ya majina 812 waliochaguliwa kujiunga katika program ya mafunzo ya kilimo biashara kwa vijana unaojulikana kama BBT.

Waziri wa Kilimo, Hussein Bashe amesema Jijini Dodoma kuwa miongoni mwa vijana waliochaguliwa ni pamona na wale waliopitia mafunzo ya Jeshi la Kujenga Taifa (JKT).

Kwa mujibu wa Waziri Bashe, jumla ya maombi 20,227 yalipokelewa wakiwamo wanawake 4,722 na wanaume 15,505 na katika awamu ya kwanza vijana 812 wataanza kupata mafunzo ambapo wanawake ni 282 na wanaume ni 530.

Vijana hao waliochaguliwa watapata mafunzo kwa miezi minne na baadae kupangiwa mashamba ambayo watalimia mazao mbalimbali ya kimkakati na kuongeza kuwa hawatapewa posho yoyote pindi watakapokuwa mafunzoni ila watagharamikiwa malazi na chakula kwa muda wao wote wa mafunzo hayo.

Majina ya vijana hao yatatangazwa katika tovuti ya wizara hiyo na pia kupitia magazeti mbalimbali na hivyo kuwataka vijana kufuatilia matangazo hayo ili kujua waliochaguliwa ambao watatakiwa kuanza kuripoti Machi 17, mwaka huu.




Follow us on:
FACEBOOK;
SpotiLeo:   / spotileo-176.  .
HabariLeo:   / habarileo  
DailyNews:   / dailynewstz  

INSTAGRAM;
HabariLeo: https://instagram.com/habarileo_tz?ig...
SpotiLeo: https://instagram.com/spotileo?igshid...

TWITTER;
Twitter HabariLeo: https://twitter.com/HabariLeo?s=09