Скачать или смотреть سریلانکا باشترین چای جێهان بەرهەم دەهێنێت

دورگەیەکی بچووکە بەڵام لە 19٪ چای سەر زەوی بەرهەم دەهێنێت
وڵاتێکی بچووک بەڵام بەرهەمێکی زۆر لە کشتوکاڵدا
زۆربەی براندە جیهانیەکان بە هۆی چای ئەو وڵاتەوە ناسران

سریلانکا ...
سریلانکا پێشتر ناوی سییلۆن بوو کە دوورگەیەک بوو لە زەریای هیندی . ئەم ناوەش بەهۆی هەڵکەوتەکەیەتی کە لە دەریای هیندیدایە و بازرگانەکان زۆر کات رێیان دەکەوتە ئەو وڵاتە بە مەبەستی بازرگانی . سییلۆن ناوێک کە هێشتا هەندێک جار بۆ مەبەستی بازرگانی بەکاردێت.
رێگا دەریاییەکان کە بە زەریای هیندیدا تێدەپەڕن، سریلانکا ڕووبەڕووی کاریگەرییە کولتوورییە شارستانییەتەکانی تری ئاسیا بووەتەوە. لە ساڵی 1972 دوای 150 ساڵ لە حکومرانی بەریتانیا سەربەخۆی وەرگرت.
چوار وەرزی ساڵ بەهۆی هەڵکەوتە جوگرافیەکەی سەوزای بە بەرزاییەکانی وڵاتەکەوە دەبینیت. خاوەنی زەویەکی کەمە بەڵام خاکێکی بە پیەت و کەشوهەوایەکی لەباری هەیە بۆ کشتوکاڵ کردن و بەرهەمێکی زۆری چا لە جیهاندا بەرهەم دەهێنێت.

سریلانکا بە چایەکی کوالێتی بەرز ناسراوە و بە چوارەم گەورەترین وڵاتی بەرهەمهێنەری چا دادەنرێت لە جیهاندا .

سەرەکیترین بەروبووم لە کەرتی کشتوکاڵی سریلانکا چایە، لە زۆربەی ناوچە شێدارەکاندا گەشە دەکات. ئەو بەرهەمانە لە بەرزاییەکاندا چڕکراونەتەوە کە باشترین جۆری چای ڕەش بەرهەم دەهێنن.
کێڵگەکانی ئەو وڵاتە نوێنەرایەتی بەشێک لە ئابووری دەکەن کە لە سەردەمی سەربەخۆییەوە پێشکەوتنی بەرچاوی بەدەست هێناوە.
لە ساڵی 1975ەوە خاکی سریلانکا لە 60٪ی تایبەتمەند کراوە بە بەرهەمی چا، بە درێژایی ساڵ چا بەرهەم دەهێنێت و کۆی بەرهەمهێنانی چا لە ساڵێکدا لەو وڵاتە نزیکەی 300 ملیۆن کیلۆگرامە.
عێراق ساڵانە چایەکی زۆر لە سریلانکا دەکڕێت و بە پێی ئامارێکی (ڕاپۆرتی توانای پیشەسازی سریلانکا تایبەت بە فرۆشتن و بەرهەم هێنانی چا)
عێراق لە ساڵەکانی 2019 تا 2021 لە پلەی یەکەمی کڕیارەکانی چایە و تەنها لە ساڵی 2021دا زیاتر لە 42 ملیۆن کیلۆگرام چای لە سریلانکا کڕیوە و هەناردەی ناخۆی وڵاتەکەی کردووە.
سریلانکا جگە لە چای رەش، چای سەوزیش بەرهەم دەهێنێت و وەک باشترین چای جیهان ستایش دەکرێت، وڵاتێکە هەمیشە پێشەنگ بووە لە بەرهەمهێنان و کوالێتی بەرزی چا لەنێو ئەو وڵاتانەی کە چا بەرهەم دەهێنن، کەشوهەوای لە باری ناوچەکە تام و بۆنی جۆراوجۆر بە بەرهەمەکە دەبەخشێت.