Скачать или смотреть UMUNSI WA 7: MISA N'ISENGESHO RYO GUSABIRA ABARWAYI 25/05/25 9h00 -15h00 Centre de 'Emmanuel Kigali

IGISINGIZO CYA YERIKO - MISA Y'ISENGESHO RYO GUSABIRA ABARWAYI - GUTURA Momo *182*8*1*077111# EMMA Rwanda cyangwa kuri 0798684708 (MUSABYIMANA) - WorldRemit +250798684708
--------------------------------------------------------------------
Communauté de l'Emmanuel ibatumiye mu gisingizo cya Yeriko (Louange de Jericho):
.
Ku cyumweru (25/05/2025): 9h00 - 16h00 hazaba misa y'isengesho ryo gusabira abarwayi.

Ahantu: Urugo rw'Umutima Mutagatifu wa Yezu (Centre de l'Emmauel - Kigali) iruhande rwa UNILAK - Kigali - hafi na Sonatubes
.
Rizanyura kandi kuri :
Youtube "Communauté de l'Emmanuel - Rwanda"
Youtube "Radio Maria Rwanda"
Radio Maria Rwanda
.

Nimuhumure ni Njye, mwigira ubwoba" (Mariko 6, 50)

Bakristu, bavandimwe namwe mwese mukeneye guhura n’Imana no kuvugurura umubano wanyu nayo, mutumiwe mu isengesho ry’igisingizo cya Yeriko rizabera mu Rugo rw’Umutima Mutagatifu wa Yezu kuri Centre de l’Emmanuel.

Muri iri sengesho, Nyagasani atubohora ku ngoyi z’icyaha zatubase, adutura imitwaro ituremereye, ahirika inkuta z’agahinda gakabije, urwango, inzika, ibizazane byugarije imiryango yacu, akatubohora kuri zakarande z’imiryango dukomokamo, maze akaduha gutsinda ibitero umwanzi shitani atugabaho, tubikesha ububasha bw’Imana yacu.

Iri sengesho tukaba turikomora ku bakurambere bacu mu kwemera, ubwo babonaga ko, kwinjira mu mugi wa Yeriko bidashoboka, bawuzengurutse iminsi 7 maze ku bw’itegeko ry’Umusumba byose, ku munsi wa 7 inkuta zose zihirimira icyarimwe ku bw’imbaraga z’ibisingizo.

Muri iri sengesho, njye nawe turatumiwe, ngwino duhurire mu rugo rw’Umutima Mutagatifu wa Yezu kuri Centre de Emmanuel ku maze dusingize Imana. Uyu munsi, turatangira saa tatu za mu gitondo kugera saa cyenda za nimugoroba hari isengesho na misa byo gusabira abarwayi.

Abafite ubuhamya bw’ibyo Nyagasani yagiye abakorera muri iri sengesho ntimubwihererane, nimwihutire kubudusangiza maze bwubake kiliziya.
Abatuye kure, namwe abatuye i mahanga ntitwabibagiwe, muzifatanye natwe mukoresheje umuyoboro wa YouTube ya Communauté de l’Emmanuel, n’uwa Radio Mariya Rwanda, maze duhuze umutima. Mu ijambo ry’Imana rigira riti: Yezu ati: " Nimuhumure ni Njye, mwigira ubwoba" (Mariko 6, 50)

.
Igisingizo cya Yeriko ni iki?
Igisingizo cya Yeriko gikomoka muri Yozuwe 6, 1-20, aho Nyagasani yabwiye Yozuwe ko abayisiraheli bazenguruka Yeriko inshuro ndwi, bavuza rwamo maze umunsi wa karindwi inkuta z’umujyi zirariduka.
.
Natwe mu buzima bwacu, hari byinshi twagereranya n’ibyo bikuta, bituziritse mu buzima bwacu (ibikuta by’ubwoba, kwikuza, kwirata, ubushomeri, kubura urubyaro, amahoro macye, ibyaha,…..) n’ibindi bitugora mu buzima bwacu.
.
Ibyo byose tubizana imbere ya Nyagasani, we udukunda, tukamushimira, tumusingiza ibyiza adukorera imbere y’isakaramentu ritagatifu.
.
Tubikora mu kwemera, mu kwizera no mu rukundo, Kristu udukunda, yiteguye kudukoraho, akaduhumuriza, akatubohora, akadusubiza kandi akadukiza.

DUSINGIZE IYADUHANZE, NA YO IDUHANGAMURIRE IBYANANIRANYE.