Скачать или смотреть المجاهيم | كلمات عبدالهادي بن قنيفذ | أداء ناصر الطويل

.
.
اشترك وفعل التنبيهات في قناة حمد البويصم الرسمية
للحصول على أحدث إصداراته الفنية
‏https://cutt.us/bSX4h


ـ
كلمات : عبدالهادي بن قنيفذ
أداء : ناصـر الطويـل
تصميم : حمد البويصم

__

الكلمات :

مل قلب كل ما جاء المجاهيم استراح
ما يغبط ملوك الارض بطراة سنينها

حبها فالقلب هو والله الخمر المباح
راحتي يوم اتمشى برجلي بينها

ساعة فيها للارواح ونسه وانشراح
من ضغوطات الليالي ومن روتينها

هذي ابل اهل الجزيره الى قل المزاح
عادها جرد الصحاري قبل توطينها

ومكسب الظفران يوم المزارق بالرماح
ساعه ترخص لها ارواحها مغلينها

وباقي الالوان عندي غلاها ما يزاح
والله يهني بها ساير امحبينها

كل الابل الله جعلها نواميس ورباح
من قديمات الليالي على هاوينها

لكن المجهم غلاها خذ القلب اكتساح
ولو خسايرنا لها اعمارنا راضينها

رايح (ن) قلبي مع الي اتهبل بالصحاح
كل ما تركي على منكبي لحيينها

فاتن (ن) اكثر مجيي لجلها والمراح
ورث شيبان حموها وديني دينها

لاخلجت جا القلب خفه ودمع العين ساح
وكثر لبى اللي الى هجرعت موحينها

كن مزامير الفريصه رعود في صباح
او كما الدمام في حفلة (ن) محيينها

في رخاء لايام ندبل لها الجهد بكفاح
وفي شحاشحها على ارواحنا مبدينها

اتركوني عند من شوفها طب الجراح
ورث ابي اللي بسم مقروعه امسمينها

وعند من تقديرها اجتاح لاضلاع اجتياح
من لفى منا على الذود ينشد وينها

ساعه ابرا لها في بها الكون الفساح
ماغبط ملاك الابراج في تدشينها

وان نجعت بها لقاع عليها الوسم طاح
طاحت همومي بمنجاعها في حينها

لاسرحت لازراج تشبه خراطيم الرياح
وموتري معها من يسارها ليمينها

والله مادعي الطير بالاسم خفاق الجناح
لحظه يطرب لها اللي ماهوب ايهينها

زينها لامن شعفها مع الصوت الصياح
كل ملحا لاحتمى السير تدبل زينها

رفضه في سيرها اتزين الخد البراح
من الفرس تاخذ عثانينها واذنينها

وكل سودا باول الزرج شنقاح شناح
يعجبك عجل احركتها وحذف يدينها

الحمتها عقب الاحيال ناثرها اللقاح
ودك تجي بين شر العيون وبينها

حبها فالقلب من يوم ما ولدت طراح
وجات فوق الهقوه اللي بها هاقينها

وكل زرقاء تجذب العين والممشى طفاح
جثله كنها تخيل السحاب بعينها

كن سواد كتوفها وشعفتها ام الشقاح
نوة (ن) اسبل مطرها على راجينها

مشترى يمناي ولا من اتلاد المراح
ساسها ماهوب مدغول من قانينها

نتعب الها في هواها على عز وصلاح
وان لحقنا الحال باموالنا مطغينها

كل ما تطوي الجراهيد عنها الشر راح
وحن لها في عسر الايام ولا لينها

قد وطى شيباننا عندها اوقوت اشحاح
ولارخصوها يوم عسر السنين وشينها

بيعها في قلوبهم ما لطاريه سماح
لو تجور ايامهم ما افرحو باغينها

الشقى في شفوفها مثل مشروب القراح
وسجه معها حياه تعبها زينها