Скачать или смотреть Mandok Hata Tu Keluarga Na Marhabot Ni Roha

" Mandok Hata Tu Keluarga Na Marhabot Ni Roha "

Jumolo mandok mauliate ma hita tu Amanta pardenggan basa, disiala asi dohot holong ni rohana boi hita marhahipason ditingkion.

Dison rodo hami ima napasahatton hata pangapulion tu ina nami nang tu sude keluarga na adong di ingananon. Ima dinaung jumolo marujung ngolu ama natahaholongion.

Sitaonon na borat jala nangotngot dijolma na mangolu ima sinirang ni 'hamatean'. Lumobi molo na monding i nahinaholongan ni rohanta.

Alai ingot hamu ma inang dang pasombuon ni Debata sai tumatangis hamu, molo pe ngolunta di portibion madabu jongjong alai gumodangan do hita jongjong ala asini roha  sian Tuhan i.

Sude do hita jolma ingkon mate molo jumpang tingkina. Sada pe sian hita dang adong na boi pasidinghon i.

Alai pangidoanta, molo tung marujung pe nian ngolunta sian hasiangan on, asa jolo sahat ma nian hita tu na saur matua. Ima
songon pangidoan dohot elek-elekta tu Tuhanta.

Jala songon nidok ni umpasa : 

" Ramba nisipoholon marduhut-duhut sitata. Las ni roha dohot sitaonon sude do sian Amanta Debata. "
" Asa hau ni Gunungtua dangkana mardagul-dagul, tibuma dilehon Tuhanta dihamu tua jala tibu hamu di apul-apul. "

Asa holan dibagasan Jesus do jumpang las niroha na manontong,  jala Ibana do pasohon ilu-ilu sian mata ni angka na tumatangis, jala na mangalean apul-apul alani parsorion.

Antong tapuji ma Debata dingolunta, margogo ma hita jala marpanindangion. Unang be sai lalap diparlalapan. Sai tontong marhaporusan tu Tuhan ni ma hita, ai dang adong naso tarpatupa ni Debata.

Jadi di hamu inang dohot sude sisolhot na tininggalhon ni damang na tahaholongi on, pabulus ma roha muna dipanadingkon ni ama na tahaholongi on.  

Jala nagabe hata ni Debata sitiopan muna ima natarsurat di Pilippi 1:21 ima namandok.
      
 “Ai Kristus do hangoluan di au, jala laba do nang hamatean”.

Songonima songon hata apul-apul sian hami. Sai anggiat ma tibu tarapul rohamuna.

Mauliate.

#mandokhata #paranak #sinamot #adatbataktoba #umpama #umpasa #parhata #parsinabung #parsinabul #rajahata #rajahuta #huta #ulaonunjuk #pestaunjuk #habotniroha #saormatua #saurmatua #marga #dokniroha #batak #adatbatak #batak #hela #tulang #amangboru #mangapuli #hulahula #boru #bere #dongansahuta #gondang #musik #mauliate #horas #ulos #martuppol #bonapasogit #samosir #danautoba #toba #sipinsur #sibeabea #siallagan #parapat #tomok #bakara #muara #sisingamangaraja #nomensen #hkbp #tomok #huhuasi #gareja #pamasumasuon