Ubumwe bwacu na Kristo n’ubumwe bw’itorero bushingiye ku Rukundo Imana yadukunze, si ku rwacu tuyikunda
(Urugero: Itorero ry’i Makedoniya – 2 Abakorinto 8)
Hari ikintu gikomeye abantu benshi bagorwa no gusobanukirwa mu buzima bwa gikristo: benshi batekereza ko ubumwe n’Imana bushingiye ku buryo bayikunda, ku buryo bayikorera, cyangwa ku rwego bagezeho mu by’umwuka. Ariko Bibiliya itwereka ukundi: ubumwe bwacu na Kristo ntibutangirira ku rukundo dufitiye Imana, butangirira ku rukundo Imana idukunda.
Yohana aravuga ati: “Turayikunda kuko ari yo yabanje kudukunda.” (1 Yohana 4:19). Ibi bivuze ko ishingiro ryose ry’ubuzima bwa gikristo ari revelation y’uko twakiriwe, twakunzwe, kandi twemewe muri Kristo. Iyo umuntu yubakiye ku rukundo rwe akunda Mana, ubumwe bwe buba fragile: kuko umuntu arananirwa, arahinduka, rimwe agira imbaraga ubundi gacika intege. Ni yo mpamvu hari abantu bumva bari hafi y’Imana uyu munsi, ejo bari kure yayo. Ariko iyo umuntu yubakiye ku kuri ko Imana yamwemeye muri Kristo kandi ko urukundo rwayo rudahinduka, ubumwe bwe buba stable kuko bushingiye ku gikorwa cy’umusaraba, si ku marangamutima.
Iyo revelation iyo imaze kwinjira mu mutima, ihindura identity y’umuntu. Pawulo aravuga ati: “Ariko uwifatanya n'Umwami Yesu aba abaye umwuka umwe na we.” (1 Abakorinto 6:17). Kuba umwe na Kristo si discipline witoza, si igikorwa ugerageza gukora buri munsi, ahubwo ni identity uhabwa igihe wizeye. Kristo aba muri wowe, nawe ukaba muri Kristo. Iyo umuntu asobanukiwe ko yakiriwe ku buntu, ko adakunda Imana ngo ayemerwe ahubwo ayikunda kuko yamaze kwemerwa, ubuzima bwe buhinduka. Ntakora akoreshejwe n’ igitutu, ahubwo akorera mu bwisanzure.
Iyo abantu benshi bafite iyo identity imwe bateraniye hamwe, ni bwo habaho itorero ry’ukuri. Itorero si abantu bagerageza kumvikana; itorero ni abantu basangiye ubuzima bumwe bwa Kristo. Pawulo aravuga ko turi umubiri umwe kuko Kristo ari umwe (1 Abakorinto 12). Iyo abantu mu itorero bose bazi ko bakunzwe kimwe, ko nta n’umwe uruta undi imbere y’Imana, ko bose bafite Kristo muri bo, ibibatandukanya ntibaba bakibyitaho. Ntibigereranya, ntibahatana, ntibahangana ku kwera. Ahubwo batangira kubana nk’abavandimwe bafite ubuzima bumwe.
Ubumwe nyakuri rero ntibugaragarira mu kuba dusengera hamwe gusa, cyangwa kuririmba hamwe gusa, ahubwo bugaragarira mu kwemera identity imwe: ko turi mu rukundo, twakiriwe, turi umwe na Kristo muri twe. Iyo ibyo bibayeho, itorero rihinduka umubiri ugaragaza Kristo ku isi, aho abantu batangira kubona urukundo rw’Imana binyuze mu mibereho y’abizera.
Ni yo mpamvu urugero rw’Itorero ry’i Makedoniya ari ingenzi. Pawulo atangiye ( 2 Abakorinto 8 ) agira ati: “Turabamenyesha ubuntu bw’Imana bwahaye amatorero y’i Makedoniya.” Ntabwo yatangiye avuga ku maturo yabo, yatangiye avuga kuri grace. Ibyo bakoze byose byari fruit y’ubuntu bw’Imana bwakoraga muri bo, si effort yabo bwite. Nubwo bari mu bukene no mu mibabaro, baratanze mu byishimo, barasaba amahirwe yo gufasha abandi. Kuki? Kubera ko batabonaga abandi nk’abantu batandukanye nabo, ahubwo bababonaga nk’ingingo z’umubiri umwe.
Pawulo arakomeza agira ati: “Babanje kwiyegurira Umwami.” Ibi bisobanura ko batabanje gukora ibikorwa, ahubwo babanje kwemera identity yabo muri Kristo. Bihaye Umwami, bemera ko ari we buzima bwabo, ari we soko yabo. Nyuma yaho, gutanga kwabo, imibanire yabo, n’ubumwe bwabo byahindutse fruit y’ibyo bari bamaze gusobanukirwa.
Iri ni isomo rikomeye ku itorero ry’uyu munsi: ntidushobora kubaka ubumwe duhereye ku mategeko, ku discipline, cyangwa ku gitutu cyo gukora neza. Ubumwe bwubakwa igihe abantu basobanukiwe grace, bakamenya identity yabo muri Kristo, bakamenya ko Kristo ari umwe muri bo bose kandi nabo bakamenya ko ubwabo ari umubiri umwe kubwa christo. Iyo babashije kugira iyo revelation itorero rikurira mu Rukundo ubuzima bw’Imana bukagaragarira no mu miberereho isanzwe, nk’uko byagaragaye ku itorero ry’i Makedoniya.
Информация по комментариям в разработке