Evi məcburi köçkün tərəfindən zəbt olunan ailə illərdir kirayələrdədir - APA TV

#APATV #Sumqayıtşəhəri #məcburiköçkün #ev #kirayə #apagroup #apaxeber #apaxəbər #apatvxəbər #apaxeberler #xeberler #sonxeberler #gundemxeberler #xəbərlər #sonxəbərlər #xəbərlərbugün #xəbərlərdəbugün #gününxəbərləri #xəbərləryeni #sondeqiqe #gününəsasxəbərləri #sonxeberlerbugun2023 #canlıyayım #apacanlı

Evi məcburi köçkün tərəfindən zəbt olunan ailə illərdir kirayələrdədir - APA TV

4 otaqlı evi məcburi köçkün tərəfindən zəbt olunan Sumqayıtlı ailə 10 illərdir ki, kirayələrdə qalır.

Ağakişiyevlər ailəsi 1994-cü ilə kimi Ağakişiyev Firuddin Balaqadaş oğluna uzun illər işlədiyi, Sumqayıt şəhərində yerləşən “Ximkombinat”dan (indiki Üzvi-Sintez Birliyi )1978-ci ildə verilən evdə yaşayıblar. 1994-cü ildə müraciətləri əsasında icra tərəfindən onlara, köhnə evi dövlətə təhvil vermək şərti ilə verilən yeni 4 otaqlı evə köçmək istəyərkən məlum olur ki, onların halal mənzili, Kəlbəcər qaçqınları Muxtarov Zakir Ədil oğlu, Muxtarov Solmaz Ədil qızı və onların ailəsi tərəfindən zəbt olunub. Ailə Sumqayıt sakininin mənzilinə qapısını sındıraraq daxil olub. Bununla da Ağakişiyevlər dövlətə təhvil verdikləri evə geri qayıdıblar. Amma bu evdə yaşamaq da onlara qismət olmayıb.

Beləliklə hər iki evini itirən ailə o gündən kirayələrdə gün keçirir. Ağakişiyevlər indiyəcən kirayələrdə 30 min manatdan çox pul xərclədiklərini bildirirlər.

Həqiqət Ağakişiyeva deyir ki, həyat yoldaşı Firuddin Ağakişiyev rəhmətə gedənə kimi öz evlərində yaşamaq üçün uzun müddət mübarizə aparıb, amma öz evində yaşamaq ona qismət olmayıb. O 2019-cu ildə rəhmətə gedib. Həqiqət xanım tək istəyi heç olmasa övladlarının kirayələrdən qurtulmasına nail olmaqdır.

Həqiqət xanım bildirir ki, zəbt olunan mənzil 27.08.2007-ci il tarixdən onların adınadır özəlləşdirilib və bütün ailə üzvləri indiyəcən elə o evdə qeydiyyatdadırlar.

Sumqayıt şəhər Məhkəməsinin 03 avqust 2011-ci il tarixli Qətnaməsi ilə evin boşaldılması haqda iddiası təmin edilib. Amma əllərində məhkəmə qətnaməsi olsa da artıq 12 ildir ki, icra edilmir.

Məhkəmə qətnaməsinin uzun müddət icra edilməməsinə görə həyat yoldaşı İnsan Hüquqları üzrə Avropa Məhkəməsinə də şikayət verib. Bu barədə qətnamə qəbul edilib, kömək kimi ailəyə İnsan Hüquqları üzrə Avropa Məhkəməsi tərəfindən 2310 avro məbləğində kompensasiya da ödənilib.

Həqiqət Ağakişiyeva deyir ki, aidiyyəti dövlət qurumlarına göndərilən rekord sayda məktublara, teleqramlara, müraciətlərə, çoxsaylı məhkəmələrə baxmayaraq, yerinə yetirilməyən vədlərdən başqa heç bir şey əldə etməyib.

Gələn cavablar isə adətən bu istiqamətdə olub:

”Dövlət Proqramına əlavələrin icrası ilə əlaqədar evlər tikildikdən sonra, yataqxanalarda müvəqqəti məskunlaşmış ailələrin, o cümlədən sizin mənzilinizdə məskunlaşmış məcburi köçkün ailəsinin köçürülməsinə qanunla nəzərdə tutulan qaydada baxılacaqdır”.

Ya da :“Hazırda Komitənin balansında boş mənzil fondu olmadığı üçün həmin mənzildə müvəqqəti məskunlaşmış məcburi köçkün ailəsini başqa yaşayış sahəsi ilə təmin etməsi imkanı xaricindədir”.

Ağakişiyevlərin evində yaşayan məcburi köçkün Solmaz Muxtarova isə bildirir ki, dəfələrlə aidiyyəti qurumlara müraciət ediblər, amma onlara verilən cavab “səbirli olun” olub.

Məsələ ilə bağlı Qaçqınların və Məcburi Köçkünlərin İşləri Üzrə Dövlət Komitəsi ilə əlaqə saxladıq. Aldığımız cavab isə belə oldu: “Sorğunuza cavab olaraq bildiririk ki, Dövlət Komitəsinin mənzil fondunda boş yaşayış sahələri yoxdur, eyni zamanda məcburi köçkünlər üçün yeni yaşayış sahələri inşa edilmir. Onlar üçün mənzillər bundan sonra yalnız işğaldan azad edilmiş ərazilərdə tikiləcək. İşğaldan azad edilmiş ərazilərə respublikanın şəhər və rayonlarda müxtəlif təyinatlı müvəqqəti məskunlaşma obyektlərində yaşayan məcburi köçkünlərin köçürülməsi zamanı başqasının mənzilində yaşayan məcburi köçkünlər də mərhələli şəkildə köçürüləcək”.

Məsələ ilə bağlı hüquqşünas Ruslan Mustafazadə isə bildirir ki, didərgin düşmüş məcburi köçkünlərin yaşayış problemlərinin başqa mülkiyyətçilərin hesabına həll edilməsi Konstitusiya ilə yolverilməzdir. Bu vəziyyətdə vətəndaşın kirayələrdə xərclədiyi pulla bağlı dəymiş zərərə görə vəsatət qaldırmaq hüququ yaranır...



✅ Rəsmi saytımız: https://apa.tv
✅ Rəsmi facebook səhifəmiz:   / tvapaxeber  
✅ Rəsmi instagram səhifəmiz:   / apatvresmi  
✅ Rəsmi twitter səhifəmiz:   / apatvofficial  
✅ Rəsmi teleqram səhifəmiz: https://t.me/apa_tv
✅ Rəsmi youtube kanalımız: https://www.youtube.com/APAGROUPOffic...



Copyright © APA TV

Videolarda yazılan rəylərə görə kanal rəhbərliyi məsuliyyət daşımır.

REKLAM TƏKLİFİ ÜÇÜN (Contact) [email protected]