شيلة شعطان (سلطة الظفران) || كلمات: فهد الحيدان || اداء: العذب

القصيده ي شعطاني حماسيه
شالها العذب وكتبها لحيداني

ماش مثل احباله احبال صوتيه
صح صوته وانا صح الله لساني

الصدور اليوم فعلاً شماليه
ترفعون الراس لاقلت ظفراني

الظفيري لازِهم بالظفيريه
باع روحه دونها بيع مجاني

سلطة الظفران سلطه حكوميه
يوم كان الجيش في نجد عثماني

الظفيري لاتعزوا عزاويه
يبشر بفوجٍ حواليه بركاني

البطون تجيه جيّه فدائيه
وصمْده تجري على العايل الجاني

ينكتب في كل الاعداء مرثيه
وينكتب للي زبّنا عمر ثاني

روسنا تسكر طناخه وغاريه
اقرا تاريخي قبل تقرا قيفاني

كم جانا بيخطب سويطيه
رده ابن سويط يوم العمر فاني

قال ماتطلع وماعندنا بنيه
ومرحبا شرفت بيتي وديواني

والفعل ماهو مهايط دوانيه
الفعل يحتاج وسمي ونيشاني

والدعاوي من غدت انتخابيه
والله ان الحصن ماتسبق حصاني

ثامر الاول وحنا اقليه
كيف لو واجد وتعداد سكاني

اول بكل اللجان الكويتيه
النتيجه لايقه لي وتزهاني

فرق غيره عن بعض حروة الميه
وفرق ثامر الف الا عن الثاني

شيخ حتى في الحياة النيابيه
امتداد لعصر جدي وشيباني

شايبه طيب وقائد وعقليه
راسه بيبطي وهو ماهو بحاني

مايرد عاني ولا يرد طرقيه
ذخر للطرقيه وذخر للعاني

وعمه سعود ابو وقفات مسميه
الحفاوه شفتها من تحفاني

نشمي وراعي مواقف وشخصيه
ولا زهمته صار خاتم سليماني

وان بغيت اخوانه ان ثارت الهيّه
اعرف اخوانه مثل م آعرف اخواني

كلهم وقت الفعل مرجلانيه
محزمٍ مليان لـ القاصي والداني

علموا ثامر ترى نارنا حيه
فعل ماهي بس شيلات واغاني

اول اول والنتيجه نهائيه
من تحداني خسر لاتحداني

السويط ان صارت الدعوه حميه
حوله الظفران ماهو بوحداني



#الظفير #شعطان #اهل_البويت #فهد_الحيدان #السويط #الظفيري #شعطان_الموت #شيلة_شعطان