Скачать или смотреть ياذوي زراق زبن الدخيل | فايز الدوسري - مصلح الزراقي - نبطش الدنيا ونطلع مطاليع الحرار 2026 - حصرياً

صب لي فنجال صفرن على حيد الوجار
دلتن ب الهيل والزعفران مقنده

راسي من العز كن الثريا له مدار
الهقاوي طيبه والفعول مسنده

كاسبين المجد والنا مكانه واعتبار
ماخذيناها كذا بارده ومبرده

نبطش الدنيا ونطلع مطاليع الحرار
نفتخر في مجدنا اللي مضى ونجدده

مرحبا ترحيب يبدا مثل شمس النهار
مايوفي قدركم لو شهور نردده

ي الكبار اللي لفيتو محلات الكبار
والله إنا في رضاكم جنود مجنده

عند شيخن ذكره يزيدني عز ووقار
افتخر ويطول راسي وانا اقبل يده

استبيحك عذر يابومحمد باختصار
ودي اذكر من فعولك فعل وامجده

صالح ابن مصلح اسمه يزيد الافتخار
والله ان مدحه طراة القصيد ومقصده

ابن ناجع قاضي الحق مصدار القرار
في يده حل القضايا ولو معقده

عيلمن يردونه اهل القضا من كل دار
وان صدر من عنده الحق ماحدن ينقده

قبل نعرف لجنة إصلاح وأسلوب الحوار
في مضيفه لجنة إصلاح كل الاصعده

كم سعى بالصلح والمشكله تقدح شرار
الله أعطاه الوجاهه ورايه سدّده

حط له ديوان ينصونه طوال العمار
في رهاط وبين مكه وطيبه شيده

صايرن ديوانه اشهر معالم ف الديار
كل من تحداه صكات بقعى يقصده

يعتزي في ربعه اللي يعسفون المهار
دونهم مسخي بحاله وماله وجهده

(( ياذوي زراق زبن الدخيل اليا استجار
من زينكم والله انه ليبشر بسعده

انتم حمول الاشده متيهت البكار
يومها غاره ب غاره ونارن موقده ))

من ركون عتيبه اهل المواقيف الكبار
اشكر الله يوم أنا من عتيبه وأحمده