Скачать или смотреть शेतकरी l योजना l विकसित शेती l Satyajeet Tambe l Monsoon Session l Maharashtra

देशाचा अन्नदाता असलेल्या बळीराजाला सन्मान, हमीभाव आणि शाश्वत आधार देण्याच्या दृष्टीने
📌शेतीमाल निर्यातीपासून ते शाश्वत वीजपुरवठा
📌सिंचनाच्या सुविधा
📌कोल्ड स्टोरेज
📌आधुनिक शेती
📌कृषी स्टार्टअप्स
📌कृषी विद्यापीठातील संशोधन
या प्रत्येक मुद्द्यावर शासनाने ठोस निर्णय घेऊन कालबद्ध अंमलबजावणी करावी, अशी मागणी आज सभागृहात केली.

राज्याच्या दोन्ही सभागृहात प्रत्येक अधिवेशनात शेतकऱ्यांच्या समस्या मांडल्या जातात. मग तो कांदा उत्पादक शेतकरी असो, द्राक्ष शेतकरी असो किंवा भुसार माल उत्पादन करणारा. तरी सुद्धा शेतकऱ्यांची परिस्थिती मात्र बदलत नाहीये.

त्यामुळे सरकारने केवळ योजना जाहीर करून थांबू नये, तर त्या शेवटच्या शेतकऱ्याच्या बांधापर्यंत पोहचल्या आहेत की नाही, याचा सखोल आढावा घ्यावा. कारण एकट्या विदर्भात 6 महिन्यांत 550 हून अधिक शेतकरी आत्महत्या करतात. ही केवळ आकडेवारी नाही, ती प्रशासनाच्या बेजबाबदार कामकाजाचे एक जळजळीत वास्तव आहे!

शेतकरी केवळ पारंपरिक पद्धतीने शेती करणारा नव्हे, तर तो आता नव्या युगातील उद्योजक झाला पाहिजे. त्याला प्रशिक्षण, प्रबोधन, मार्केटिंग आणि तांत्रिक मदत मिळणं तितकंच गरजेचं आहे. शेतकरी हिताच्या या सर्व विषयांवर सरकारकडून आता तरी ठोस पावलं उचलली जातील, हीच मला अपेक्षा आहे.