Скачать или смотреть அஷ்வத் சரவணன் | குழலினிது யாழினிது | Kuzhalinthu Yazhinithu | Georgia Tamil Varam 2026

#Tamilweek #tamil #tamilnadu #tamillanguage #tamilstories #tamilkavithai #karagadance
#paraiisai #kavidhaigal #kavithai #tamilreels #tamilteacher #tamilkidsvideo #tamilkidsstories
#internationalmotherlanguageday #motherlanguageday #gatamilweek #atlantatamilweek

தனக்குப் பிடித்த திருக்குறள்களை தன் மழலைத் தமிழில் இனிமையாகவும் தெளிவாகவும் கூறுவதோடு மட்டுமல்லாமல், அவற்றின் ஆழமான அறநெறியையும் நாம் வாழ்வில் பின்பற்ற வேண்டும் என வலியுறுத்துகிறார் நம் குட்டிச்செல்வம் அஷ்வத் சரவணன்!

2026 ஜார்ஜியா தமிழ் வார கொண்டாட்டம் பிப்ரவரி 21 முதல் 27 வரை | அட்லாண்டா மாநகரத் தமிழ்ச் சங்கம்

வணக்கம் அட்லாண்டா உறவுகளே,

அட்லாண்டாவில் தமிழ் வாரம்!

அமெரிக்காவில் வாழும் நமது தமிழர்களுக்குப் பெருமை சேர்க்கும் நிகழ்வாக, அட்லாண்டா மாநகரத் தமிழ்ச் சங்கத்தின் சீரிய முயற்சியால் தமிழ் மொழிக்காக ஒரு வாரத்தை பெற்றுள்ளோம். உலகம் முழுவதும் உலகத் தாய் மொழி நாள் (பிப்ரவரி 21) கொண்டாடப்படும் சிறப்பான நேரத்தில், “தமிழ் வாரம்” பிப்ரவரி 21 முதல் 27 வரை என்று ஜார்ஜியாவில் பறைசாற்றப்பட்டுள்ளது.


2026 ஆம் ஆண்டு தமிழ் வாரத்தை கொண்டாட கீழ்க்கண்ட நிகழ்ச்சிகளை நடத்தத் திட்டமிட்டுள்ளோம்!

ஆலம் விழுதுகள் (அனைத்து வயதினருக்கும்): ஆலம் விழுதுகள் நிகழ்வு மூலம் உங்கள் மனதில் நிலைத்துள்ள தமிழ் ஆசிரியர்கள் குறித்து பேச ஒரு அறிய வாய்ப்பு

செயற்கை நுண்ணறிவுத் தமிழ் (அனைத்து வயதினருக்கும்) : AI (செயற்கை நுண்ணறிவு) தொழில்நுட்பத்தை பயன்படுத்தி நம் தமிழ் மொழியின் பெருமைகளை உலகறிய சொல்வோம்!

குழலினிது யாழினிது (7 வயது வரை): மழலைத் தமிழில் பேசும் உங்கள் குழந்தைகளுடன் குடும்ப உறுப்பினர்களும் காணொளியில் கலந்து கொண்டு உரையாடலாம்.

ஒரு கதை சொல்லவா (அனைத்து வயதினருக்கும்): ஒரு கதை சொல்லவா? நிகழ்வு மூலம், உங்கள் பிள்ளைகளின் தமிழ் மொழியில் கதை சொல்லும் திறன் மற்றும் கற்பனைத் திறனை தெரிந்து கொள்ள ஆவலாக உள்ளோம்.

மரபுக் கலைகள் (அனைத்து வயதினருக்கும்): மரபுக் கலைகள் நிகழ்வு மூலம் தமிழர் மரபு கலைகள் மீது உங்களுக்கிருக்கிற பற்றையும் திறனையும் வெளிப்படுத்த முடியும்.

இயலும் தமிழும் (18 வயதிற்கு மேல்): இயலும் தமிழும் நிகழ்வு மூலம் உங்கள் கவித்திறனை வெளிக்கொணர ஒரு வாய்ப்பு.

ஒளி வழித் தமிழ் (அனைத்து வயதினருக்கும்): ஒளி வழித் தமிழ் நிகழ்வு மூலம் தமிழ் மீதுள்ள பற்றையும் அன்பையும் குறுங்காணொளிகளாக (Reels), நீங்கள் வெளிப்படுத்த முடியும்.

முத்தான மூன்று சொற்கள்: (18 வயதிற்குள்): தங்களுக்கு பிடித்த மூன்று அறிய தமிழ் சொற்களைத் தேர்வு செய்து அதன் பொருள், பயன்பாடு, ஏன் பிடித்தது என்பதைக் கூறும் சிறு காணொளி அனுப்பலாம். இது சொற்களஞ்சியத்தை வளர்க்க உதவும்.

இல்லத்தில் இனிய தமிழ் (7 வயதுக்கு மேல்): தங்கள் இல்லத்தில் உள்ளவர்களோடு தமிழ் சார்ந்த ஒரு தலைப்பைக் கூடி உரையாடி ஒளிப்பதிவு செய்து அனுப்பவும் (எ.கா. தமிழறிஞர்கள், தமிழ்ப் பண்டிகைகள், தமிழ் நூல்கள், தமிழில் மருவிய சொற்கள்)

உணவே மருந்து (15 வயதுக்கு மேல்): “உணவே மருந்து” என்பது நோய் வந்த பின் மருந்து தேடுவதற்குப் பதிலாக, உணவின் மூலம் ஆரோக்கியத்தை பாதுகாக்க வேண்டும் என்பதைக் கூறும் சிறந்த வாழ்க்கை நெறியாகும். நம் அன்றாட வாழ்வில் எந்த உணவு பொருட்களெல்லாம் மருந்தாக பயன்படுகிறது என்பதைப் பற்றி பகிரலாம். எடுத்துக்காட்டாக பிரண்டை, முடக்கறுத்தான், தூதுவளை, சங்கு பூ

நன்றி,
அட்லாண்டா மாநகரத் தமிழ்ச் சங்கம் 2026