Скачать или смотреть СТЕАМ-2026: "Кыргыздын улуттук баш кийимдери", 8-1-класс

“Креатив-Таалим” билим берүү комплексинин 8-класстары СТЕАМ багытындагы «Кыргыздын улуттук баш кийимдери» аттуу таасирдүү иш-чара өткөрүштү.

Бул иш-чара жөн гана предметтик интеграция эмес, билим менен маданиятты, илим менен улуттук наркты айкалыштырган терең мазмундуу аянтча болду. Окуучулар баш кийимдердин тарыхый маанисин, жасалуу технологиясын, геометриялык формаларын, символикалык мазмунун изилдеп, СТЕАМ ыкмасы аркылуу улуттук мурастын илимий өңүтүн ачып беришти.

Адатта өз-өзүнчө каралуучу билим, тарых, маданият жана салт-санаа бул иш-чарада бир бүтүн системага айланып, окуучулардын изденүүсү менен жанданды.

Мындай форматтагы сабактар жаш муундун аң-сезиминде улуттук баалуулуктарды бекемдеп гана тим болбостон, аларды заманбап ой жүгүртүү менен айкалыштырууга өбөлгө түзөт.