Mobile Medical Team West Division ခေါင်းဆောင် CDM ကထိက ဌာနမှူးဒေါ်ရတီအုန်း နှင့်တွေ့ဆုံမေးမြန်းခြင်း

“ငြိမ်းချမ်းစွာဆန္ဒဖော်ထုတ်နေတာကို လက်ခံနားလည်နိုင်တဲ့ အသိဥာဏ်စစ်ကောင်စီမှာမရှိဘူး၊သူတို့မှာ အမြဲရှိတဲ့ လက်နက်အားကိုးနဲ့ သူတို့ကထင်တိုင်းကျဲနေတာဖြစ်တယ်။ ဒီမိုကရေစီ ယဉ်ကျေးမှုကို လုံးဝမသိဘူး အဲဒီလိုလူမျိုးတွေကို ကျမတို့အနေနဲ့ကတော့ ကိုက်မလို့ ပြေးလာတဲ့ခွေးကို နှုတ်သီးဖြတ်ကန်လိုက်တာမျိုး တုံ့ပြန်ရမှာပဲဆိုပြီး လက်နက်စွဲကိုင်ခဲ့တာဖြစ်တယ်။”

Mobile Medical Team West Division ခေါင်းဆောင်လည်းဖြစ်တဲ့ CDM ကထိက ဌာနမှူး ဒေါ်ရတီအုန်း နှင့်တွေ့ဆုံမေးမြန်းခြင်း

By ရန်ကုန်ခေတ်သစ်

စစ်ကိုင်းတိုင်းကို အကြမ်းဖက်စစ်ကောင်စီတပ်တွေက အင်အားအလုံးအရင်းသုံးပြီး တိုက်ခိုက်နေလို့ နေ့စဉ် ပြည်သူ့ကာကွယ်ရေးတပ်တွေနဲ့ တိုက်ပွဲဖြစ်ပွားနေပါတယ်။စစ်ကောင်စီတပ်တွေဟာ ပြည်သူ့ကာကွယ်ရးတပ်တွေကို မနိုင်တဲ့အခါမှတော့ အရပ်သားပစ်မှတ်တွေဖြစ်တဲ့ ကျေးရွာတွေကို မီးရှို့တာ သတ်ဖြတ်တာတွေ ပြည်သူပိုင်ပစ္စည်းတွေကို လုယက်ခိုးယူတာတွေ ပြုလုပ်လာပါတယ်။

အဆိုးဆုံးကတော့ ဗုဒ္ဓဘာသာအဆောက်အဦတွေအပါအဝင် ဘာသာရေးအဆောက်အအုံတွေကို မီးရှို့ဖျက်ဆီးတဲ့အထိပြုလုပ်လာပါတယ်။

ဒေသခံပြည်သူတွေ စားဝတ်နေရေး အကျပ်အတည်းဖြစ်အောင် ရည်ရွယ်ချက်ရှိရှိ ပြုလုပ်လာတာကိုလည်း တွေ့မြင်ရပါတယ်။စစ်ကိုင်းတိုင်း ကလေးမြို့နယ်မှာလည်း အဲဒီအခြေအနေတွေနဲ့ ကြုံတွေနေရတယ်လို့ သိရပါတယ်။

ဒီလိုအခြေအနေတွေနဲ့ပတ်သက်လို့ အသေးစိတ်သိရအောင် ကလေးမြို့နယ်ဘက်မှာ တော်လှန်ရေးလုပ်ရင်းဒေသခံစစ်ဘေးရှောင် ပြည်သူတွေနဲ့ တော်လှန် ရေးတပ်ဖွဲ့ဝင်တွေကို ဆေးကုသပေးနေတဲ့ Mobile Medical Team West Division ခေါင်းဆောင်လည်းဖြစ်တဲ့ CDM ကထိကဌာနမှူး ဒေါ်ရတီအုန်းကို ရန်ကုန်ခေတ်သစ်မီဒီယာမှ ဆက်သွယ်မေးမြန်းထားပါတယ်။