Ax! Welato: Xaldi

Sir û seqema herema serhedê dest pê kir, me jî berê xwe da cih û warên germ. Em hatin Qûbînê ango Bişêriyê. Vê derê Welatê Xaldiyan e. Mîrektiya Mîrê Ridwana bavê Temo, ya Mîrzikê Zaza. Li vir dîrokeke veşartî heye.

Ezdiyên li vir, ji xwe re dibêjin em Xaldî ne. Çaryeka ewil a sedsala 19 emîn de li vê derê mîrektiyeke bi hêz û navdar avakirine û ev mîrektî wek federasyona êşîrên Êzdî û gelên Ermenî û Asûri ye

Li vê heremê dîrokek xurt û veşartî heye. Hin lêkolîner û mîsyonerên avrûpî gelek tişt nivîsîne.
Disa çavkaniyên Ermeniyan jî behsa sedsala 19 emîn a heremê dikin ”Li wê deme li Ridwanê Mîrektiya Mîrzikê Zaza hebû. Devleta Osmaniyê ji quwet ketibû, Mîrzik wek serbixwe tevdigeriya. Ew pir bi adil nêzî hemû Ermenî, Asûrî û Ezdîyan dibû û li wan xwedî derdiket. Ji bo Xaçparêzan di kêlaka qesra xwe de dêrek çekiribû. Gelek kesên ku ji zilm û zordariyê direviyan, dihatin û xwe dispartin Mîrzikê Zaza.’’