Скачать или смотреть ശിവ സങ്കീർത്തനം | Shiva Sankeerthanam | Mahashivarathri Special 🎶🎶🙏

ശിവ സങ്കീർത്തനം

വന്നു ഞാൻ ശിവസന്നിധാനത്തി-
ലന്നൊരു ശിവരാത്രിയിൽ
നിന്നു കൈകൂപ്പി ഭക്തിയോടഭി-
വന്ദനം ചെയ്‌തു ദേവനെ

ദീപധൂപങ്ങൾ ഉജ്ജ്വലിക്കുന്ന
ദേവദേവന്റെ സന്നിധി
പാവനം പരിപാവനം ഭക്തർ-
ക്കാത്മനിർവൃതിദായകം

എങ്ങുമെങ്ങും മുഴങ്ങിടുന്നു
ഭവാൻ്റെ നാമസങ്കീർത്തനം
തിങ്ങുമാനന്ദമോടു ഞാൻ ശിവ
ഗംഗയിൽ വീണലിഞ്ഞുപോയ്

പാർവതീദേവിയോടു ചേർ-
ന്നമരുന്ന ദേവൻ്റെ തൃപ്പദം
ഭക്തിയോടു ഭജിക്കുകിൽ
ഭവ മുക്തരായി ഭവിച്ചിടാം

കാലമാകുന്ന സാഗരത്തിര
മാലകൾ ഞങ്ങളീശ്വരാ
കാലമാകുന്ന സാഗരം ഭവാൻ
പാലയ പരമേശ്വരാ

ഏഴകൾ ഞങ്ങളല്പ്‌പരാണഹോ
ദേവദേവൻ്റെ ഭക്തരായ്
വാഴുവാനിങ്ങനുഗ്രഹം ചൊരി-
യേണമേ ഭക്തവത്സലാ

ഏതുജാതിമതങ്ങളിൽപ്പെട്ട
മാനുഷ്യർക്കുമൊരീശ്വരൻ
ഏകനാണീ പ്രപഞ്ചകർത്താവ്
ഏതുഭാവവും കാട്ടുവോൻ

ദേവനായ് മഹാദേവിയായ്
ഭൂവനത്തിലൊക്കെ നിറഞ്ഞൊരാ
ദൈവസത്തയെ ഏതു
രൂപത്തിലും നമുക്കു ഭജിച്ചിടാം

ഉണ്മയാർന്നവർക്കുള്ളിലെന്നു-
മറിവു നൽകുന്ന ദൈവമെ
അങ്ങതൻ മഹാവൈഭവം പാർക്കി-
ലെത്രയെത്ര മഹാത്ഭുതം

ശ്രീമഹാദേവ ഭക്തവത്സല
ഞങ്ങളിൽ കനിയേണമെ
ശ്രീമഹാദേവി ഭക്തവത്സലേ
ഞങ്ങളിൽ കൃപയേകണേ

ഓം നമഃ ശിവായ
🙏🙏🙏