ايفون 14 برو max ضد ايفون 14 بلس ومقارنة باقي الايفونات | افضل ايفون مناسب لك

لتكون انت المليونير التالي
رابط قناتنا المتخصصة في ادارة واستثمار المال والوقت
   / @millionairenow  

حساب القناة على الانستقرام
https://instagram.com/mrsloomx?igshid...


ايفون 14 برو max ضد ايفون 14 بلس ومقارنة باقي الايفونات | افضل ايفون مناسب لك


#مؤتمر
#ابل
#ايفون
#جديد




استراتيجية ابل امس كانت واضحة جدا
لا تشتري ايفون ١٤ العادي
اشتري ايفون ١٤ برو او برو ماكس
خلت الفرق بينهم السماء والارض
بس ابل تعرف مش الكل يهتم بالتفاصيل والمميزات، فخليني اخبركم الفرق بينهم
واي هاتف انسب لك على حسب استخدامك.





بالتصميم
ابل اعلنت عن اربع ايفونات جدد
ايفونات ١٤ وا١٤ بلس بالمواصفات العادية
واحد ٦.١ انش والاخر عملاق بلس ٦.٧ انش

وايفونات ١٤ برو و ١٤ برو ماكس بالمواصفات المحترفة
وبنفس قياسات الايفونات العادية
واحد ٦.١ انش والاخر عملاق ماكس ٦.٧ انش


القذله او النتوء تصميمها مثل ايفون ١٣ السنه الماضية وبدون اي مميزات فالايفونات ١٤ و١٤ بلس الايفونات العادية
بس فالبرو التصميم يختلف تماما. والجميل انه ابل حولت اقبح شيئ في شاشتها الي اجمل تفاعل شفته في حياتي!

الحواف المنيوم فالايفونات العادية و ستينلس ستيل فالايفونات المحترفه
الالمنيوم يتشوه اسرع لما يطيح مقارنه بالستينلس ستيل اللي قوي جدا.
كل ايفون برو عندي عالاقل يطيح ١٠ مرات فالسنه و مايتاثر الا بعض الخدوش فالجسم. لو كان المنيوم التأثير بيكون اقوى

فالخلف هواتف البرو تبيين افخم بسبب العدسات الثلاث مقارنه بالأيفونات العاديه اللي تجي بعدستين
والاهم عند البعض راح يبين انك خذيت ايفون جديد خاصة من الامام بسبب النتوء الجديد
وهذي الوان الايفون ١٤ و١٤ بلس لهالسنه وواوو هذي الوان الهواتف المحترفة


الشاشة
هواتف البرو تدعم تردد ١٢٠ هرتز واللي يخلي الرسومات اكثر نعومه وخاصة لما تتفاعل مع النتوء او القذلة ولعب الالعاب مثل ببجي وغيرها
وهالسنه لاول مره النوافذ والتصميم الجديد للنظام ١٦ راح تكون دائمة التشغيل حتى بعد اطفاء الشاشة ولكن حصريا للأيقونات المحترفة
واللي راح يخليها اكثر عملية لانك ماتحتاج تلمس الهاتف علشان تشوف هذي النوافذ
الشاشه تتحدث تلقائيا بتردد واحد هرتز والشيئ المفروض يخليها تستهلك طاقه اقل من التقنيات السابقة
وإضاءة الايفونات المحترفة فالشمس المباشره صارت قوية جدا! ١٦٠٠ نتز وتصل الي ٢٠٠٠. مقارنه باضاءه اقل في الايفوناتالعادية بشكل ملحوظ
بس كلهم شاشات جميله اوليد والمستخدم العادي راح يحب الشاشتين


المعالجة
معالج الايفونات ١٤ العادية هو نفسه معالج السنه الماضية ايه ١٥ مع تحسينات طفيفة بحدود ١٥٪ فقط
فالمقابل الايفونات المحترفة تجي بمعالج اي ١٦ الجديد كليا ب٤ نانو متر والشيئ راح يحدث نقله نوعية فالاداء واستهلاك الطاقة
وعشان كذا ابل قدرت تسوي شاشة دائمة التشغيل فالهواتف المحترفة ونشوف الرسومات الجميله في النتوء
راح تحس بالفرق ايضا بسبب التردد العالي فالايفونات المحترفة لما تتنقل بين التطبيقات
بس صدقوني المستخدم العادي والاساسي يقدر يستغني عن هالميزات وابل تقول وانا اوافقها
المعالج القديم فالافونات ١٤ العادية اقوى معالج في هاتف محمول بعد الايه ١٦ فالايفونات المحترفة


البطارية
ابل ماتكلمت كثير عن البطارية، بس هذا اللي قالته واللي حللناه شخصيا
ايفون ١٤ العادي بطاريته تدوم حدود ٨ ساعات استخدام ويعتبر الاضعف بين البقية
ايفون ١٤ بلس بطاريته تدوم حدود ١٠ ساعات وتعتبر من افضل البطاريات فالهواتف المحمولة
ايفون ١٤ برو بطاريته بتدوم نفس ال١٤ بلس بسبب التردد الاقل والمعالج الجديد اللي يستهلك طاقة اقل
لكن فقط لو طفيت الشاشة دائمة التشغيل واللي يمكن ابل تعطيك الخيار هذا فالاعدادات
بس لو ما اعطتك او حبيته يكون شغال طول الوقت البطارية بتدوم حدود ال٩ ساعات
اما ايفون ١٤ برو ماكس بطاريته راح تدوم ١١ ساعه استخدام واللي يعتبر رقم خرافي
بس ايضا ينطبق نفس الشروط. اغلاق الشاشه دائمة التشغيل
ولو خليتها شغاله راح تكون بطاريته بنفس ال١٤ بلس ١٠ ساعات كامله.



التصوير
العدسة الاساسية تحسنت بنسبة ٢٠٪ فالايفونات ١٤ العادية مقارنه بالأيقونات ١٣ وخاصة التصوير الليلي
فالمقابل الايفونات المحترفة تغيرت بشكل جذري تحولت من ١٢ الي ٤٨ ميغابكسل وصارت بحساس اضخم يدخل اضاءه وعزل بشكل اكبر
لدرجة انك لما تصور الحين راح يكون في قياس اكس ٢ جديد خاص فهالعدسة.
وايضا العدسة الواسعة جدا التحسن الاكبر صار فالنسخ المحترفة اكثر مقارنه بالأيقونات العادية اللي تحسنت بشكل طفيف.
والهواتف اجمع الحين تجي بوضع الاكشن اللي يخليك تصور بنعومة عالية جدا
وايضا كل الايفونات تحسنت الكامره الامامية بشكل واضح صارت اكثر جمالية وتركز الوجه وتعزل اكثر.
شخصيا اشوف التحسن طفيف فالايفونات العادية وقريب من التحسن كل سنه.
بس الايفونات البرو انتقلت مرحله اخرى من الاحتراف وقد تكون اكثر قفزة في قوة التصوير في تاريخ ابل!


الاسعار والمساحة
جميع الايفونات تبدا مساحتهم ب ١٢٨ جيجا
ايفون ١٤ ٧٩٩$
ايفون ١٤ بلس ٨٩٩$
ايفون ١٤ برو ٩٩٩$
ايفون ١٤ برو ماكس ١٠٩٩$
الاسعار نفسها من خمس سنوات ماتغيرت. بصراحة اسعار مناسبة جدا
هالنسبه شفت هواتف صينية ضعيفة وبدون تحديثات ودعم وسنه تضعف معك باسعار فوق الالف دولار!

لمن؟
الاشخاص اللي التصوير مش شيء اساسي وهمها الا جهاز نظيف وعملي وبيدوم لسنوات
خذلك ايفون ١٤
ولو تقدر تستحمل الحجم الكبير وتدفع ١٠٠ دولار زياده انصح ب١٤ بلس اكثر
بطارية افضل وشاشه اجمل لمشاهدة الفيديوهات،


واللي من هوات التصوير او انك تحب احدث التكنولوجيات مثل التفاعل مع النتوء او الشاشة دائمة التشغيل
وعندك ميزانية فالايفون ١٤ برو ماراح يخيب ضنك
ونفس الشيء لو تحتمل الهواتف العملاقه فال١٤ برو ماكس بيكون افضل لك لانه بطاريته افضل و شاشته اكبر
بس بنفس المواصفات حرفيا مع البرو الصغير


ادعمونا بالاشتراك لو حبيتوا المحتوى اشوفكم على خير