ال غضبان شنار الحرب 🔥| حفل ال مريض الراس | كلمات علي بن حمد ال مريض الراس | أداء صالح اليامي

.
.
اشترك وفعل التنبيهات في قناة حمد البويصم الرسمية
للحصول على أحدث إصداراته الفنية
‏https://cutt.us/bSX4h


ـ
حفل زواج : جابر بن علي بن حمد ال مريض الراس
كلمات : علي بن حمد ال مريض الراس
أداء : صالح اليامي
تصميم : حمد البويصم

__

الكلمات :

______________________________


خيّل خيال القصيد ولاح في عرض الغمامه
وهلت مزون البيوت النادرة وارزم رعدها

شاعر لامن بغيت الشعر سلمني اخطامه
لين اجيب الفكره اللي ماحدٍ قبلي وجدها

مرحبا بضيوفنا ……… منا الى يوم القيامه
مرحبا بسم ال مريض الراس مايحصى عددها

في حفل جابر وريث الطيب يامال السلامه
من صغر سنه اجمام العز والعليا وردها

في خواله يفتخر ويشوش راسه من عمامه
ندرٍ مثل الحرار اللي تنومس في هددها

جعل يفداهم ردي الرابعه ولد الهلامه
والبخيل الي فلوسه فالخزاين مقتصدها

هو سمي اللي على ذكره نطوّح بالعمامه
جابر ابن حويله اللي كل قمه قد صعدها

واصغر عيال الكريم اللي على الطاله مقامه
حي راسٍ وقفته وقت القشر كلن شهدها

ياعلي يابوحمد للطيب في وجهك علامه
والمدايح في مثل شرواك واجب نعتمدها

ابلجٍ من خلقته ما ينزل الا فالعدامه
ودون ضيفه فاتح بيبان بيته ما وصدها

فيه علم وفيه حلم وفيه حنكه واستقامه
كل ما كبرت علينا المعضله حلحل عقدها

اخو زمله لا لفاه الضيف يبشر بالكرامه
عادتن لابيه قدامه وهو بعده حصدها

مثل قول محمد بن فطيس واكرر كلامه
يحلب لضيفه لبنها قبل ما يذبح ولدها

من هل الحرشا سنام المجد عدوان الرخامه
سترا عذرا في نهار المعركه فلت جعدها

كن مشرف من كثر ضيفانهم قصر اليمامه
لا نصاه الى حداها ضيقها تلقى سعدها

حن (بني غاضب ) احزام اللي تمنانا حزامه
قد تمنانا اقريع وكلمته محدن جحدها

ال غضبانٍ شنار الحرب لا ثور عسامه
فعلنا يوم الحرايب فالعدو اشر وادها

لا تمثنينا الجموع وصار للخيل احتدامه
نكسب البل من بعيد الدار والقوم نهجدها

عزوتن من ماضي الاسلاف ناطى كل هامه
وابلنا ترعى الخطر في ضفنا محد طردها