Скачать или смотреть Shembull i punës, këmbënguljes dhe dashurisë për tokën dhe bagetine.

Në fshatin Dushk të Bashkisë Belsh, mes gjelbërimit dhe qetësisë së fushave, ndodhet ferma e Bedri Muçës, një fermer që prej vitesh i është përkushtuar me pasion dhe përkushtim mbarshtimit të lopëve për qumësht dhe vica.
Bedriu, së bashku me bashkëshorten e tij, kanë ndërtuar me duart e tyre një fermë model, ku çdo ditë puna nis herët në mëngjes dhe mbaron vonë në mbrëmje. Çdo lopë, viç apo dele ka kujdesin e tyre të veçantë, sepse siç thotë vetë Bedriu, “bagëtia të do vetëm kur e do dhe ti atë”.
Përveç lopëve, Bedriu merret edhe me rritjen e deleve, ku numri i krerëve ka arritur në rreth 80. Quëmështi dhe produktet e bulmetit që familja Muça prodhon janë të njohura në zonë për cilësinë dhe shijen e tyre natyrale, duke u bërë pjesë e tryezave të shumë familjeve.
Edhe pse puna në fermë është e lodhshme dhe kërkon përkushtim të përditshëm, Bedriu dhe bashkëshortja e tij e shohin atë si mënyrën më të bukur për të jetuar në harmoni me natyrën dhe për të siguruar një të ardhme të qëndrueshme për familjen e tyre.
Ferma e tyre është shembull i punës, këmbënguljes dhe dashurisë për tokën, që karakterizon shumë banorë të Bashkisë Belsh — njerëz të thjeshtë që me duart e tyre ndërtojnë mirëqenien e komunitetit.